بسم الله الرحمن الرحيم
الحقيقة أنا اليومين دول بتحصل معايا مواقف غرييييييييييبة الشكل ..... بس خلينا نتعلم من أخطاءنا ونتعلم من المواقف اللي تعدي علينا
أنا الأول أحكيلكم الموقف اللي حصل
كان عندي درس عربي .. الأستاذ بسم الله ماشاء الله متميز جددددددا في مادته .. جت أجازة نصف العام فعملنا كورس نحو .. وهو عبارة عن درس يوميا لمدة أسبوع .. المشكلة مش في كل ده .. المشكلة إن المغرب بيأذن علينا واحنا في الدرس
فكان الأستاذ يدينا تمارين نحلها ويطلع يصلي فكنت بطلع معاه ونرجع نكمل الدرس وأنا أحل التمارين بعدين وأريهاله
المهم ... في اليوم الثالث بقى قالنا نحل تمارين فقولتله ممكن أطلع أصلي مع حضرتك قالي طيب حل ولما أرجع روح صلي .... جمييييييييييل مفيش مشاكل
في اليوم الرابع .... نفس الموضوع وبعد ما رجع من الصلاة قالي استنى لما نراجع الأسئلة عشان انت من المتفوقين اللي عندي وبعد كدة صلي ..... ماااااااااااااااشي مفيش مشاكل .... المشكلة إني كنت برجع من الصلاة ألاقيه بيشرح
المههههههههههم ..... في اليوم الخاااااااامس .... وهو طالع يصلي بستأذنه أصلي معاه قالي حاجة غريبة جدددددددددددا
* "حبيبي انت عايز تحسسنا إنت مسلم والباقي دول كفار ... كلنا مسلمين يا حبيبي حتصلي متقلقش بلاش تبقى كدة "
فطبعا أنا ظنا مني إنه عايز يوصل رسالة لباقية التلاميذ فرديت عليه - " أستاذي .. الصلاة فرض مهما حصل مينفعش نفوت الصلاة " فقالي بلهجة غريبة جددددددا * " وهي المذاكرة مش عبادة ؟؟؟ " - " لا عبادة بس إحنا ممكن نصلي ونرجع نكمل لأن صلاة العشاء لو دخلت حنكون ضيعنا صلاة المغرب " فللأسف سابني ومشى فابتسمت ابسامة تعجب- " أستاذ أهم حاجة تطلعني أصلي قبل ما وقت العشاء ييجي " ولللأسف وأنا بصلي المغرب العشاء أذن عليا... ولما رجعت كان شرح درس بس كان سهل الحمد لله .... ما علييييييييينا
اليوم الساااااااااااادس ..... الأستاذ كان عنده عزاء فوصل الدرس متأخر ... فبيشرح المغرب أذن .. أوك عادي ... خلص مجموعة دروس ولسة بيدخل في الدرس الخامس
- " أستاذي ... الساعة 6:30 " فبص بصة غريبة جدددددددا
* " ماشي يا بابا معلش " وطبعا صوت الضحك بنات وبنين
- " أنا أقصد المغرب حتفوت فاضل نصف ساعة على العشاء " نظر نظرة أغرب من الأولى
* " واللللللله ؟؟؟؟ طيب ماشي يا حبيبي " طبعا بلهجة تقليس .... فمردتش عليه بصراحة ..... ححححححح ..... والدرس كله أولاد وبنات بيضحكوا ... طبعا مش كلهم كان في ناس تعي الموضوع رغم انهم مش بيصلوا ... المهم أنا كنت فعلا مش عارف أعمل إيه أول مرة أتعرض لموقف بالغرابة دي ... أنا فعلا كنت في صدمة
طبعا مش عارف أركز ... أنا عايز أصلي .... وعمال أكلم نفسي ... طب حضرتك بتصلي إزاي تقول كدة ؟؟؟ .... اللي مش بيصلوا عندهم حق على كدة لما يقلسوا على حد ويقولوله يا عم الشيخ ..... طب إيه الحل أطلع أصلي على طول ويولع هو ؟؟؟؟ وأنا مستغرق في التفكير الأستاذ قال يلا انتبهوا عشان نخلص الدرس ده بسرعة ونقيم صلاتنا وقالي خلاص ؟؟ طبعا مبصتلهوش ولا رديت عليه مش عارف كنت منفوخ منه ؟؟؟ مشفق عليه ؟؟؟ مصدوم من اللي قاله ؟؟؟ مش عارف
المهم وهو بيشرح ... العشاء أذن فأنا عملت تصرف فعلا لا إرادي وحطيت إيدي على وشي ومعرفتش أركز خاااااالص ... فعلا كنت مدايق جددددددا .... أول مرة تضيع مني صلاة كدة أدام عيني فاهمين الاحسااااااس ؟؟؟ ... المهم خلص شرح وقالي روح صلي ... وأنا طالع بيحط إيده على كتفي فبعدت عن إيده ورحت أصلي .... وهكذا انتهى آخر يوم في النحو والحمد لله لعله خير بس طبعا اتعلمت إني وقت الصلاة لو أي حد منعني يولع بقى المهم أصلي ... أصل مش حينفع يوم القيامة أقف أدام ربنا أقوله فلان قالي لا ... عيب أوي يعني
أنا بقى عايز أقول حاجة لكل مسلم
في ناس كتير جدا جدا معتقدة إن الواحد لو كان بيعمل أي حاجة غلط كشرب السجاير والأشياء الانحرافية مينفعش أصلا يصلي ..... وفعلا أنا قابلت ناس كتير جدا جدا كدة .. يا جماعة ده مدخل للشيطان ... الصلاة هي الفرق مبين المسلم وغير المسلم المفروض نفتخر إننا بنصلي وبنسجد لله عز وجل .... والنبي عليه الصلاة والسلام قال بنفسه : " كل ابن آدم خطاء وخير الخطائين التوابون " إيه بقى المانع ان انت تصلي ؟؟؟بقت الصلاة للمتدينين بس ؟؟؟؟ والباقي مينفعوش يصلوا ؟؟ يعني ربنا مش حيتقبل الصلاة ؟؟؟
مش عارف هما بيفكروا إزاي بس كل اللي في إيدي إني أعمل ثلاث حاجات
- أقول الحمد لله الذي عافاني
- أدعي ربنا يهدي المسلمين جميعا
- أنصح الأقربين مني وأصدقائي
معلش يا جماعة الموضوع طويل جدا بس أنا بكتب اللي في نفسي أعمل إيه منفوووووخ ... وشكرا على صبركم وقراءتكم للموضوع .... ياريت تشرفوني بردودكم الحلوة سلام عليكم ورحمة الله وبركاته
7 comments:
ربنا يحفظك ويحفظ كل الشباب.
في الحقيقة الناس ممكن تضحك علي المتمسك بالصلاة وهذا يزيد ثوابه إذا تمسك بها. لكن اود ان اطرح رأي , كان ممكن ان تتناقش مع بعض الزملاء بعد الدرس حول هذا الموضوع واظن انه كان مدخل جيد للاقناع بأهمية الاتصال بالله عن طريق الصلاة وممكن تكون مدخل لمواضيع اخري جميلة تفيد الجميع.
المهم ان نستغل كل مواقفنا كي تقربنا من الله أكثر ومش لازم تكون بعض المواقف صعبة حتي وكأن الدنيا اتهدت , لكن يمكننا إذا ركزنا جيدا ان نحول كل مشاكلنا الي تجربة نستفيد منها اكبر استفادة ممكنة.
متعرفش أخى انا سعيد قد ايه بدخولى مدونتك و بأخ عزيز مثلك
شعورك جميل وحرصك على الصلاة عظيم
أما عن السفهاء اللى بيضحكوا عليك لا تبالى لهم
وكان المفروض منك انك تكلم الأستاذ بينك و بينه و وتوصلوا لحل مع بعض بعيد عن الطلبة عشان ميألس عليك و يخلى زملاتك يضحكم عليك
جزاك الله كل خير
السلام عليكم
مشارك أصيل ... فعلا أنت مشارك أصيل وفعلا المشكلة إني مكنتش مركز في الموقف عشان أحوله من مشكلة لأكبر استفادة وأنا أشكرك جدددددددا على هذا الايضاح
......................................
وفعلا جزاك الله خيرا أخي مؤمن
ولكن أنا رأيي إن مش لازم نقول عليهم سفهاء بس ياريت نقول ربنا يهديهم ويهدينا ... احنا مش ملائكة برضو ... أما عن كلام الأستاذ بيني وبينه فأنا فضلت أن يكون موقفي قوي أمام التلاميذ لكي يروا ويميزوا بأنفسهم ما هو الصحيح وما هو الخاطئ
وجزاك الله خيرا على هذا المرور الكريم
جميل جدا الموضوع
لكن ليا رأى عايز اقوله
فى فرق كبير من انك تكسب موقف او انك تكسب قضيه مستمره
يعنى لما انت كلمت الاستاذ امام الطلبه كده و افترضنا ان هو اتحرج و استجاب يبقى انت كده كسبت موقف فقط
لكن لو انت كلمته بينك و بينه كان ممكن يستجيب بنسبه اكبر اكيد
بدليل انه هو قرر انه يحرجك زى ما احرجته امام الطلبه بتوعه
بكده انت خسرت موقف و خسرت القضيه لأنك مش هتعرف تكلمه تانى
انت فاهم انا عايز اقول ايه
كلامك صحيح يا كيمو بس أظن إني مأحرجتهوش لأنه أصلا بيصلي ومحافظ كمان على الصلاة في وقتها ودي حاجة تحسبله بصراحة ... بس يمكن أكون أحرجته تسدأ ؟؟! جايز والله
جزاك الله خيرا يا كيمو على الإيضاح ده
بص يا عباده للاسف و انا بقول للاسف احنا وصلنا لمرحله ما ينفعش تقول لحد يعمل ايه و ميعملش ايه ,بمعني تاني ان في ناس كتير بعدت عن ربنا و نسوا ايه الصح من الغلط و ايه اللي المفروض يقلسو عليه و اللي المفروض يساندوه و يحترموه, فالانسان لما يكون حاوليه كل ده و يبقي زيك و يحصل معاه موقف زي ده يبقي ربنا حيذيدو حسنات ز
لكن انا مش مع الرد الاول اللي قال انك لازم تقف تقنع الناس دي و كده . للاسف حيبقي الرد حاجه من الاتني يا ضحك و تقليس يا طنااااااااااااش
.شكرا,مصطفي عابدين
مصطفى حبيبي جزاك اللللللله خيرا
بجد تعليق ممتاز ومنطقي وواقعي جدددا
بس طبعا اللي انت بتقوله ميمنعش إننا نكلم الناس ونفضل نقول إيه الصح وإيه الغلط
عارف ليه ؟؟
لأننا عايزين ثواب قبل أي حاجة ... عارف إن التقليس ده ثواب كبير أوي بالنسبالي وده ما يقال عليه الصبر على الدعوة وده نوع من أنواع الصبر
وعشان الصبر صعب ... صعب بجد
ربنا خلاله منزلة عالية
ههههههههههههههه
بصراحة مش عارف إيه المنزلة بالضبط أو مش حاضرة في ذهني لكنها عالية جدا جدا
Special Designer
Post a Comment