بسم الله الرحمن الرحيم
مقدرش أبدأ كلامي إلا قبل حمد الله
حمدا ملئ السماوات والأرض وملئ ما بينهما
حمدا ملئ الأكوان
حمدا يزن أُحُد
حمدا كثيرا طيبا مباركا فيه
------------------
حد يقووووللللللللي بقى إيييييييييه اللي بيحصل في الدنيا ده ؟؟؟!!!!!!!!
الناس عقولها راحت فييييييييين
وأنا رايح الشغل أول إمبارح بسمع الراديو في العربية
ألاقي ان وزارة الصحة عاملة حملة في الكليات
وبوستارات بقى وبتاع
ليه كل ده ؟؟
عارفين ليه ؟؟
عشان عايزين يقاوموا الإيدز
عارفين كاتبين على البوستارات إيه ؟؟
ممارسة الجنس الآمن
المذيعة بتقولوا في بعض النقاض بيقولوا ان الحملة دي حتساعد الشباب وتسهلهم الاتصال الجنسي وحتزود الجرأة وان الحملة دي تعتبر اعتراف ان ده العادي بين شباب الجامعة
بيرد بقى وبيشرح وجهة نظره
بيقول الشباب أكتر سن بنخاف عليه .. لازم نحميه والكلام ده مش من دماغنا ده ساعدنا فيه مائتين ألف طالب وطالبة
وده كلام علمي ويجب اننا نثقف شبابنا
وبيشرح بقى بالتفصيل إيه اللي بيجيب الإيدز على الإذاعة
إيه المطلوب طيب
الشباب وفسدوا
والبنات كل يوم والتاني بيزيد التنافس مبينهم على مين يكشف عرضه وعوراته
حتى الشباب بقيت تشوف الراجل تبقى عايز تشتمه
مشيته لبسه منظره إهتماماته مش راجل
مش راجل مش راجل يعني
والحدق يفهم
الإذاعة دي كانت أول امبارح في الراديو
اليوم بقى اللي قبل ده بالليل
كنت بجري على البحر
وأفاجأ بواحد بيقبل واحدة في الشارع أدام الناس
فين الحياء يا جماعة
أنا اليوم ده روحت أقسم بالله كنت ببكي
ووأنا بكتب البوست ببكي أصلا
ده مش شاب ضعف وتاب
ويكرر ويتوب
لالالالالالا
ده ( عـ حذفت للرقابة س )
أدام الناس كدة ؟؟
طب وهي فييييييين ؟؟
وغيره والله كتير ده مش أول واحد
طيب اليوم بقى اللي قبل ده كنت برضه بجري عالبحر بعد الشغل
لقيت عيال
بالكتير أوي تسعتاشر سنة
اتنين وكل واحد آعد مع بنت على الصخور ماجنا في اسكندرية وطبعا ده العادي انها في حضنه
وأنا راجع من بعيييييييييد لمحت واحد فيهم طلع بره الصخور وعمال يشد في واحدة
عايز يحضنها وهي بتبعد
جريت وأقسم بالله كنت حرفس اللي جايبينه رفسة
رحت لقيتها بتضحك
كملت وخليتني في حالي .. وقولت يارب يهديهم
يا جماعة أرجوكوا قولولي إيه ده ؟؟؟
ده كل ده قبل موضوع الحملة اللي بتوعي الشباب وتثقفهم وتديهم معلومات قيمة عن الممارسة الآمنة
حنفسد أكتر من كدة إيه بس ؟؟
-----------------------
أقسملكم بالله العظيم
اليهود بيخططولنا ليل نهار
وأقسملكم إن كل أفلامنا ومسلسلاتنا هادفة انها تحطم معايرنا
ده موضوع المعايير ده حتكلم فيه بعدين باستفاضة
وأكتر عدو فرحان
الشيطان
اللي طلع والدينا من الجنة .. ضحك عليهم وزينلهم الشجرة المحرمة عليهم
ويا سعادته لما طلعوا من الجنة
بصو طيب ده في القرآن بتاعنا هه
" يا بني آدم قد أنزلنا عليكم لباسا يواري سوءاتكم وريشا .. ولباس التقوى ذلك خير ذلك من آيات الله لعلهم يذكرون * يا بني آدم لا يفتننكم الشيطان كما أخرج أبويكم من الجنة ينزع عنهما لباسهما ليرهما سوءاتهما انه يراكم هو وقبيله من حيث لا ترونهم انا جعلنا الشياطين أولياء للذين لا يؤمنون "
يا جماعة أرجوكم عدلوا مساراتكم ده ربنا بيقولنا بالتفصيل كل حاجة بوضوح
انكروا الغلط
أضعف الإيمان بقلوبكم
والله أنا مرضيتش إني أكلم الولد أو الراجل
عشان كنت متنرفز جدا ولو كلمته كنت حشمطه مش حنصحه
وأنا عمري ما كلمت حد بعنف بالذات في المواضيع دي
ولا ديني يسمحلي بكدة
ولا أنا حوصل لهدفي لما أكلمه بعنف
------------------
احنا بجد وصلنا للزمن اللي فيه الممسك على دينه كالممسك على الجمر
يا جماعة اقرأوا
فكروا في اللي انتوا بتعملوه قبل ما تعملوه
أنا مش بقول الحب حرام وكدة واللي عارفني يعرف
الحب والمشاعر أرقى حاجة
والجنس كذلك ولو محكمهوش عقل ودين وحياء ومعايير وخلق حيبقى زيه زي الحيوانات
وفي الآخر مش حتحصل على اللي انت عايزه
وحتفضل تكرر وتكرر وتتعود وتدخل في حالات نفسية وحوارات
متتبع بقى الطريق الصح المريح
متمشي بقى في طريق علاقة بينك وبين ربك
مش حتلاقي أكتر منه يحرسك ويقويك ويجبر بخاطرك ويداوي جروحك
واسألوني
آسف جدا جدا لو كلامي جرح حياء حد
ويارب يغفرلنا جميعا لو فينا حد كان كدة في يوم من الأيام أو كان بيمشي نحو كدة أو كان بيشوف كدة وقلبه حتى مش بيوجعوا
ياريت يا جماعة محدش يتعود على المشاهد دي لأنها مش عادية
ديننا محتاج ناس تعمله
شدوا حيلكم
لو حتيجي على نفسك عشان المصلحة العامة تعالى على نفسك
وتأكد ان ربنا حيفرجها
--------------
يا جماعة انتظار الفرج عبادة
" ومن يتق الله يجعل له مخرجا ويرزقه من حيث لاااااااااا يحتسب ومن يتوكل على الله فهو حسبه "
يارب يهديني وإياكم
وبهدي لنفسي قبل أي حد الصورة دي
مش أنا اللي عاملها هه دي من على جوجل (^_^)
كوممينت صغير بس يا جماعة
اللي رينا بيرزقه ويتزوج اهتمامه بزوجته واستيعابها واحتواءها بكل معنى الكلمة ده من أهم الحاجات
وبيؤجر على كدة
والاتنين كل ما يقربوا من بعض بياخدوا ثواب
كل ما يحبوا بعض بكل معاني الحب بياخدوا ثواب
كل ما يعبدوا ربنا مع بعض بيرتقوا أكتر وأكتر
وربنا يشرح صدورنا للاسلام ويثبتنا على الحق ويرزقنا العزيمة
ويحيي فينا النخوة
ويعمق الحب في الله بين الأصدقاء شباب كانوا أو شابات
وادعولي بقى هه
(^_^)
في سركم بس بلاش فضايح
12 comments:
السلام عليكم
الواحد مش عارف يقول ايه ولا ايه
لا حول ولا قوة إلا بالله
ربنا يسترنا ويهدينا ويهدي كل الشباب
وانت بتقول الناس اتجننت ولا ايه ؟
وانا بقولك اه اتجننو عشان مفيش دين
********
مبروك البنر الجديد
حلو قوي ماشاء الله
والاتنين كل ما يقربوا من بعض بياخدوا ثواب
كل ما يحبوا بعض بكل معاني الحب بياخدوا ثواب
كل ما يعبدوا ربنا مع بعض بيرتقوا أكتر وأكتر
وربنا يشرح صدورنا للاسلام ويثبتنا على الحق ويرزقنا العزيمة
ويحيي فينا النخوة
ويعمق الحب في الله بين الأصدقاء شباب كانوا أو شابات
بجد البوست كله هايل ربنا يكرمك وتسلم إيدك
الله يا عبادة مبدع وربنا ادعيلى بقى انت عارف الظروف وابقى عدى على مدونتى اطمنلى عليها عشان انا (هههه) بذاكر
أحمد بسام
-------
ههههههههههههههههههه
يا عيني يابني
رينا يقويك
ياخربيتك قلبي بيتقطع
-------
لا بس بجد والله واحشني جدا جدا
ربنا يوفقك يا ريس
MiSs A
وعليكم السلام ورحمة الله
فعلا اتجننوا رسمي
ويارب يسترنا وهدينا
بالنسبة للبنر مفيش حد شافه إلا وقالي
ده بتاع عيال
وطبعا ردي بكل بساطة
منا بموت في العيال(^_^)
Special Designer
mohamed ghalia
محمد بااااشا
منور يا ريس
والله يسلمك
بس خد تعالى
إشمعنى المقطع ده اللي نقيته هه
قول
انت مش بترد ليه هه
هههههههه
ربنا يوفقك يا ريس
ووجودك هو اللي هايل
Special Designer
و الله يا عم الموضوع ده بقى مستفز فعلا
و فكرت كذا مره قبل كده ان ممكن نعمل حملات تستهدف الناس و نروح نكلمهم و همه قاعدين كده و نذكرهم بالله و الاخره و ان كما تدين تدان من باب الاعذار امام الله و برضه من باب انهم يحسوا على دمهم و يتكسفوا عشان خلاص بقو عين و جباير عشان حسوا ان خلاص محدش بيقولهم ايه اللى انتو بتعملوه ده زى زمان كانو يستخبوا و همه مع بعض دلوقتى بقى فجر و طول ما احنا كدعاه خايفين نكلمهم و نرشدهم احسن حد منهم يهزأك و ده وارد جدا او انه ياخد الكلام من ودن و يطلعه من الودن التانيه فهو حر يولع بقى المهم انك تكون عملت اللى عليك
حقيقى ربنا يباركلك فى حياتك ويزيد منك الكثير
طبعا عندك حق فى كل كلمة بتقولها والواحد بقى مش عارف يعمل ايه فى اللى عينيه بقت بتشوفه
المشكلة ان دلوقتى اللى بيعمل الصح بقى هو اللى غريب واللى بيعمل غلط بيفجر ويجهر بغلطه دون حياء
الاول اللى كان بيعمل حاجه غلط كان بيستخبى ويكسف لو حد شافه دلوقتى وبنفسه بيقول وبيفخر وبيجهر وبيعترف بغلطه
واللى حياته مليها الحياء بيتريقوا عليه ويقولوا بلاش المثالية الخيبة دى
بس هما الخسرانين
ورضا ربنا اهم من استهزائهم وسخريتهم
الحاجة التانية اللى عايزة اقولك عليها ان الآيه الكريمة اللى انت كتبتها فى الآخر بجد والله مش هذار دى الآيه اللى انا عايشة بيها وحعيش عليها طول حياتى بإذن الله بحبها جدا وكل ما ايمانى بيها يزيد بحبها اكتر
يارب ربنا يرضى عننا جميعا
اللهم انا نسألك حسن الخاتمة
شكرا ليك وربنا يحفظك
Kimoooz
--------
فكرة الحملات دي هايلة من وجهة نظري
وخد بالك بالنسبة لموضوع الخوف ألا يتقلس عليك
هو شووووور حيتقلس عليك
بس سيبك المهم تكون رسالتك وصلتله وبرأت نفسك أدام ربنا .. وهو نفسه حييجي يوم القيامة ويقولك انتا كنت معدي من جمبي وأنا آعد ممنعتنيش لييييييييه ولو حتى بالنصيحة
حتقولوا لا أنا كلمتك وهزأتني
فلازم الواحد يكون عنده أولويات
أتهزأ ولا يوم القيامة يتعلق في رقبتي ؟؟
ان كان الموقف ده محرج في الدنيا ففي الآخر انت اتهزأت أدام النفر اللي هزأك
في الآخر حتتحط في الموقف ده أدام البشششششششششر كلهم
--------------
بس بقى من رأيي الأهم من ده كله الطريييييقة اللي نوصل بيها
لازم يبقى في دماغنا إحنا عايزين نوصل رسالة معينة ولا عايزين نزعق بقى وبتاع ؟
ياعم زعق .. برافو بس انت حتمشي من هنا وحيفكر حتى انه يتوب ؟؟؟؟؟؟؟
فالموضوع ليه ضوابط كتير ده وجهة نظري
بس المبددأ جميل أوي اللي انت حاطه
ان لازم منحشط في دماغنا ونخاف ألا نتهزأ وحد يتريق علينا
فراشة
------
بقت مأساة فعلا
جميل ان حضرتك في اسكندرية
فعارفة الواقع اللي بتكلم عليه كويس أوي
للأسف عندك حق الناس بقت بتجهز باللي بتعمله
تسمحيلي أنا عايز أزود حاجتين كمان
أولا انهم بقوا بيفتخروا
ثانيا بيتنافسوا
سبحان الله بجد
والحمد لله على النهمة اللي معظمنا فيها
وياب يديمنا عليها ويثبتنا
أحييكي على الجملة دي
"بس هما الخسرانين
ورضا ربنا اهم من استهزائهم وسخريتهم"
بالنسبة للآية
ربنا يكرمك يا رب وتفضل الآية دي معاكي طول حياتك
وناس هيتدوا على إيدك بسببها
وهي آية بصراحة جميلة أوي
بصي ممكن حضرتك تقرأيها تاني دلوقتي ؟
بس بطريقة تانية
اقرأي الآيات اللي قبلها حتلاقيها ان ربنا طلع آدم وحواء من الجنة ونزلهم الأرض
تيجي على الآيات دي بقى
تقرأيها ان ربنا مشفق علينا أوي وبيقولنا بلاااش الطريق ده وروح الطريق ده بس انت اللي حتختار برضه
وبيقول يابني آدم ويكمل الآية
واللي بعدها يا بني آدم
لآخره
وربنا يحفظ حضرتك
ويهدينا ونستمتع بالطريق الصح
Special Designer
بصراحة يا عبادة مش عارف اقولك اية .. انا لما قريت البوست اتنهدت تنهيدة طلعت من جوووووة قلبي .. كنت بتكلم مع واحد صاحبي مالوش علاقة بالتدين بس كان بيشكي لي من المشاكل دي .. مش هقدر اقولك اللي قاله علي اللي بيحصل في مصر وبالذات بين الشباب والبنات واللي معظمهم محجبات للأسف .. بجد مش هقدر اقول حاجة من اللي بتحصل .. بعد بعد اللي قاله حسيت ان قد اية التغيير في الناس وفي الشعب ممكن يكون حلم بعيد بعيد قوي .. غير ما لما كنت ف ثانوي كنت فاكر اني انا هكون من جيل النصر المنشود .. بس دلوقتي انا مش عارف الجيل دة هايكون من احفادي ولا أحفادهم هم كما .. بجد احنا في مجتمع الشباب فيه كمية فساد لا يستوعبها أي عقل بشري .. للأسف ان اسرائيل مش هي اللي بتعمل دة بالقدر اللي ان السباب هم اللي بيعملوا في نفسهم.
دة التشاؤم .. اما والله بالنسبة للتفاؤل فعي النقيض .. لما الواحد بيشوف اخوانة وهم في المسجد .. رغم نسبتهم الصغيرة في المحتمع ، لكنه بيحس انهم فعلا الواحد منهم يقدر يحرك جبال بايمانه وبعقيدتة .. بجد الأخ الصادق مع نفسة ومع ربه والملتزم دة انا بحس انه ملاك علي الأرض رغم كل الفتن دي .. والحمد لله كل شوية في زيادة وربنا يكرمنا ويحشرنا مع الناس الطيبة دي
بجد خاطرتك دي جت علي اكتر حتة جارحة مصر .. في الشباب .. ربنا يهديهم ويهيدنا معاهم
محمد الشنواني
------------
أولا عايز أوضح حاجة
أنا ادايقت لما شوفت الكلام ده على العلن
لما بقى أدام الناس
أقصد انك مش محتاج تقول اللي بحصل لأن ده معروف للأسف وتقريبا بقى هو ده الأساس
وبقت حاجة واطية أوي
تخيل وصلت لإيه
أنا من كام يوم سمعت حتة في أغنية
مش فاكر نصها طبعا بس شدتني
بيقول ان طلما محصلش بينا حاجة يبقى مفيش مبينا اتفاقات
تخيل بقى ده الأساس حنبقى حيوانات زي الأجانب
ربنا يهدي
علينا اننا نحمد ربنا أوي أوي على النعمة اللي احنا فيها
وعمرنا ما نيأس
وأنا شايف اننا لا يجب اننا نتأمل في الفساد
عشان الشيطان ميدخل لينا ويسبب اليأس
وعلى فكرة
ده مش جانب تشاؤم ده هو ده اللي حاصل
ربنا يحفظك يا ريس
Special Designer
Post a Comment