بسم الله الرحمن الرحيم
رمضان خلاص قرب يخلص
أنا مخنووووووووق ... معملتش حاجة في رمضان
حاسس اني مبقاش ليا قلب
مبقتش أتأثر بأي حاجة .... الدمعة مش بتنزل
حزين على طول
ببتسم مجاملة للآخر ... الأول كنت ببتسم من قلبي
الدنيا ضلمت مرة واحدة
هي مضلمتش مرة واحدة بس ضلمت
نفسي أبقى قريب من ربنا أوووووووووووووي
نفسي أحس بده
نفسي في حاجات كتير بس للأسف بقيت آعد أتمنى فقط
فين الإرادة ؟؟
فين الهدف ؟؟
آعد أقول نفسي في كذا كذا كذا
مبقتش أقرأ
حاجات كتير حلوة لو مستمر فيها فأنا بعملها بقلة
ده لو مستمر أصلا
تهووووووووون انشاء الله
ربنا يوفقكم جميعا ويهدينا كلنا يارب
ويقدر الخير حيث كان ثم يرضينا به
ويدبر لنا فإنا لا نحسن التدبير
21 comments:
حاول تشوف ايه اللى غيرك وعالجه وشوف ايه الحاجات اللى اتغيرت فيها وحشة وصلحها ولو حلوة سبها فكر فى شخصيتك شوف اتغيرت ولا لا معاملتك مع الناس شوف اتغيرت ولا لا
واكيد لو عالجت دة اكيد هتقرب من ربنا اكتر وهتبقى مرتاح وهتبتسم من قلبك
وكل سنة وانت طيب
كنت عايزة اطلب منك طلب بعد اذنك يعنى
ياريت تعمل موضوع عن الحب بين الولد والبنت وايه الحاجات الحرام وتتكلم عنه بشكل عام
وتقول رأيك فى الحب واذا كان حرام فى نظرك ولا لا
يااااااااااارب يااااااااارب
Totta
جزاك الله خيرا على النصيحة
وهي تحت التنفذ انشاء الله
وياريت تشاركينا بردودك على طول
وكل سنة وحضرتك طيبة
Special Dsigner
die for toty
بإذن الله حعمل موضوع كدة لأنه فعلا موضوع مهم وناس كتير بتبصله متجاهلة حاجات كتير جدا للأسف
وموضوع ليه جذور كتير
بس مبدئيا الحب مش حرام لأن كل واحد بيتولد عنده نيييدز انه يحب ويتحب
Special Designer
nooo name
thanks very mach
وربنا ربنا يقدر لك الخير انشاء الله ثم يرضيك به بس اصبر لأن الصبر يدل انك صابر على الابتلاء
ولو بتعمل حاجات كويسة وحصل ابتلاء اوعة تبطلها لأن ده اختبار من ربنا
يشوفك حتصبر ولا لا حتكمل في طاعته رغم الهم اللي عندك ولا لا
ولو كنت بنت مثلا مثلا مش بتحط مكياج لما يحصلها مصيبة ممكن الدنيا تضلم بقى وتنزل بمكياج وعادي خالص
فبلاش كل ده عشان ربنا غضبه وحش
أنا مش عارف جبت المثال ده ليه بس ده اللي جه معاايا بقى
وربنا معاك يارب وتبقى تنورني
Special Designer
يارب ديما تمتعنا بمواضيعك ومتغيبش علينا يا عبادة وبجد اتمنى تكون احسن وفى حالة كويسة ديما ان شاء الله
بشكرك على الاهتمام جدا وعلى نصيحتك الغالية دى وان شاء الله جارى تنفيذها يا فندم احم احم
اكبر غلطة الا تشعر بغلطة
على المفرش النظيف تبدوا اصغر البقع ا كثر وضوحا
لابدان اجوع لكى اشبع ولابد ان اتعب لكى استرح فهذه لذة الحياة
--نسيان الاءساءة انتقام رقيق-
ان الصخور تسد الطريق امام الضعفاء بينما يرتكز عليها الاقوياء ليصلوا الى القمة-
دى بعض الجمل اللى بحبها اوى وبحسها بجد
يارب تعجبكو
مين حبيب قلبى عامل مدونة وانا معرفش
ندل من يومك يا بنى انت دخلت ايه
كل سنه و انت طيب الاول جت متأخره انا عارفه
مش لازم تبكي عشان تبقي خاشع
الايمان ما وقر في القلب .. و معني انك متضايق يبقي فيه حاجه غلط عملتها
و مش عارف ايه هي و فطرتك هي اللي بتخليك متضايق كإنه إنذار جواك
تحياتي أتمني ان تكون الحاله دي راحت
السلام عليكم ورحمة الله وبركاته
اسأل الله ان يرزقك حلاوة الايمان
وحلاوة القرب منه ويملأ قلبك بحبه وبحب رسوله صلى الله عليه وسلم
والله ربما الامر ده كلنا بنعاني منه من فتره للتانيه ساعات الواحد بيبقى
قريب قوي من ربنا ونشيط في الطاعات وفجأه تحصل حاجات تحسسو انو بعد وانو
خلاص صعب يرجع وحالة اكتئاب لكن لازم تحاول وكلنا نحاول نجاهد نفسنا
ونستعين بالله..
إيده ده ؟؟
أحمد
انت مين اللي جابك هنا ياض
انت يابني مش لسة صغير في ثالثة ثانوي
أنا خلاص كبرت يا حبيبي ورحت الكلية
انت حتصاحبني ولا ايه
ههههههههههه
بس والله وحشني جدا
تبقى تنورنا هنا على طول
وانت اليوم اللي تيجي فيه تشتملك شتيمتين وتخلع ؟؟؟
انت اللي يشوف مدونتك يقول انك أميييييييييييييييييييير
عامة ياريت تنورنا كتير حتى لو حتشتم
Special Designer
Miss a
اسأل الله ان يرزقك حلاوة الايمان
وحلاوة القرب منه ويملأ قلبك بحبه وبحب رسوله صلى الله عليه وسلم
كلمات راااائعة بجد جزاك الله خيرا
ويارب يستجيب تلك الدعوة أنا يمكن أكون بعمل حاجات كويسة لكن بجد نفسي في حلاوة الايمان
ومنتظر تعليقاتك انشاء الله
Special Designer
إيه ده
عاقلة على أرض الجنون
أولا معلش لأني رديت على التعليق اللي قبلك واللي بعدك ومأخدتش بالي .. فعلا والله
كل سنة وأنا طيب ؟؟
انت مجيتيش متأخر
انت جيتي بعد رمضان والعيد والدراسة
يعني بعد الهنا بسنتين مثلا
هههههههههه
عامة وانت طيبة
وشكرا على التوجيه
Special Designer
على فكرة انت نسيت ترد عليا يا وحش
ماشى ماشى
اكبر غلطة الا تشعر بغلطة
على المفرش النظيف تبدوا اصغر البقع ا كثر وضوحا
لابدان اجوع لكى اشبع ولابد ان اتعب لكى استرح فهذه لذة الحياة
--نسيان الاءساءة انتقام رقيق-
ان الصخور تسد الطريق امام الضعفاء بينما يرتكز عليها الاقوياء ليصلوا الى القمة-
دى بعض الجمل اللى بحبها اوى وبحسها بجد
------------------------------
بجد الجمل دي لو بتحسيها فعلا أتوقع لك مستقبل مشرق وعلاقات ناجحة
الأخت
Totta
فعلا أنا مأخدتش بالي من التعليق
أنا قرأته بس مأخدتش بالي اني مردتش
فيري سوري
على فكرة جمل رائعة
وبجد أشكرك على اهتمامك بالتعليق
وعلى فكرة
أنا منستش الطلب بتاع الموضوع اللي كنتي عاوزاني أكتبه
أنا بس مشغول شوية
Special Designer
تهادوا تحابوا
شكرا جدا وياريت تبقى تورنا أو تورينا دايما
وعلى فكرة
فعلا تهادوا تحابوا
Special Designer
جزاك الله خيرا يا عبادة باشا
وهعديهالك المرادى
فينك ؟؟ مش بتكتب ليه ؟
Post a Comment