بسم الله الرحمن الرحيم
نستكمل الموضوع وأقول إزاي وجهة نظري اتغيرتمن بعد ما كنت بنقد وضع الناس اللي بيعبروا معبر رفح بشدة ومتخيل إنهم بيهربوا من الجهاد وكنت بستغرب لما ألاقي الناس فرحانه ان الناس عبروا المعبروننتقل إلى وجهة نظري الجديدة والتي أتت بعد التحدث مع والدي وقراءة تعليق كيمو المحترم
فعلا طلعوا معذورين .. اقرأوا رأي كيمو
كل اللى حصل انهم ناس مش لاقييين اى حاجه من 9 شهور ..
لا اكل و لا شرب الا ما يسد الرمق فقط ..
و كانو عاشين و راضيين لكن بعد قطع الكهرباء و الوقود ..
اصبح لا يوجد حل الا من اتنين يا اما حد يجيبلهم اكل و ده محصلش ..
يا اما هم يروحوا بنفسهم يجيبوا اكلهم و ده اللى حصل
على فكرة الموضوع مش بسيط .. حطوا نفسكم مكانهم .. بص على أطفالك كدة وهما بيتألموا من قله الأكل .. بص على الفساد اللي فكل حتة .. بص على البيوت اللي بتدمر .. بص على الناس اللي بتستشهد
أكيد لازم تتصرف عشان تكمل جاهدك.. أصل الأكل مش حينزل من السما
طب يعملوا إيه لازم يتصرفوا !!!
أنا بطالب بجد مش بهزار التبرع لإخواننا ... فعلا إخواننا اللي احنا مش قادرين نروح نقف جمبهم
ومنه لله اللي كان السبب
بطالب نتبرعلهم بأدوية وأكل
تحذير : بلاش ملابس أو أغطية ياريت أدوية وأكل
غريبة صح ؟؟؟ .. لا مش غريبة .. أنا بقول كدة عشان نمنع انهم يبقى ليهم مأوى هنا مكانهم في بلدهم
أصل مش كلهم ملائكة فالناس اللي نفوسها ضعيفة اللي بتهرب من حماية بلدها ودي كبيرة من الكبائر وخيانة للوطن
مكانهم مش عندنا إحنا كدة بنساعدهم على البقاء عندنا
المهم .. عندنا لجنة الإغاثة لنقابة الأطباء ممكن نوديلها أي حاجة نحب نتبرع بيها وعلى ضمانتي الشخصية إنها حتوصل .. المهم انت ودي بس وخد الثواب
طولت عليكم معلش لكني شايل الهم نعمل إيه بقى
يلا ورونا ردودكم الجميلة بقى
سلام عليكم ورحمة الله وبركاته
4 comments:
جزاك الله خيرا يا باشا علي الكلام الجميل ده والرائع وكمان الحلو وان شاء الله تكتب وتعمل احلي من كده بكتير وجزاك الله خيرا يا استاذ ويا فندم
كلام جميل
انا اول مرة اجي هنا
عارف انا كمان شايفة انهم ممكن يرفضوا يخرجوا من مصر وبكده غزة تبقي لقمة سائغة لاسرائيل
مفروض نساعدهم انهم ياخدوا احتياجاتهم ويرجعوا تاني غزة
اسرائيل فرحانة اوي ان غزة فضيت لها
مدونتك بدايتها حلوة
استمر
الله حافظ
دودو
فعلا ده صحيح بنسبة عالية لكن طبعا مش حنطبق الكلام ده على كل الفلسطينيين لأن أكيد هناك من يستتوعب الأمر ومستعد يحمي بلده بأي ثمن
وعشان كدة أنا قولت بلاش نتبرع بملابس أو أغطية ياريت تبرعاتنا تكون أدوية وأطعمة
وجزاك الله خيرا على المرور الكريم
وجزا الله خيرا كل من علق بالمدونة والحقيقة أنا أتشرف بآرائكم
وياريت أشوف تعليقاتكم باستمرار
Special Designer
بدأو تاني يغلقوا عليهم الحدود .
حقيقة السياسة ليس لها اخلاق ولادين , فقط هي تبحث عن المصالح الدنيوية وليس لها اي رابط بالاخرة.
تري ما هو موقف المسلمين بعدما يتم حبس أهالينا في غزة مرة اخري ؟؟!!
يجب ان ننادي كلنا "افتحوا الحدود كلها واطعموا المجاهدين الذين يدافعون عن حدودنا ضد العدو الغاصب" لقد نسينا ونسي الناس مثلنا ان الجهاد فرض عين علينا جميعا طالما ان اهل البلد من الفلسطينيين لايستطيعون دفع العدو, وبعضنا للاسف يقول حتي الان "مالناش دعوة اصل دي مشكلة فلسطينية".
أقول وأنا متأكد ان الملايين يقولون مثلي "القدس مشكلة المسلمين والعرب الي ان يتكلم الحجر"
Post a Comment