Can We Talk From Another Location ??

بيان جبهة علماء الأزهر بخصوص الثورة المصرية - أخرجوا حتى تدخلوا عليهم الباب

2011-02-03T17:20:00.003+02:00

( فإذا دخلتموه فإنكم غالبون وعلى الله فتوكلوا إن كنتم مؤمنين)

لسنا دعاة فتنة- علم الله ،وكثير منا ممن يؤثر لأمته السلامة ، لكن ما حيلتنا بعد أن نطق الفقه، وتكلم فقيه اليوم بما يدمي ويجرح ،وذلك في البيان الصادر عن رئيس رابطة علماء الشريعة بدول مجلس التعاون الخليجي فضيلة الدكتور " عجيل النشمي" في بيانه الذي نشر له بصحيفة الوطن الكويتية يوم السبت 22 الجاري ، وفيه يقول: "إن إبداء الرأي بكل الوسائل لا يعني الخروج على الحاكم، فقد يخلط البعض بين وجوب السمع والطاعة والخروج على الحكام المسلمين ، فهذا خلط بين المشروع والممنوع ، وتحميل الشرع ما لم يحتمله أو يقره، فدائرة النصح والأمر بالمعروف والنهي عن المنكر مضادة لدائرة الخروج على الحاكم، فالأصل وجوب النصح، والأصل أيضا هو حرمة الخروج، ولذا عُنِي الفقهاء بالأصل

الأول – الأمر بالمعروف والنهي عن المنكر- فتوسعوا فيه توسعة كبيرة جدا،

وضيقوا في الثاني – الخروج علي الحاكم- ،فلم يجيزوا الخروج إلا بتحقق شرطين متلازمين:

الأول: تعطيل شرع الله، وظهور الكفر البواح، الذي قام عليه الدليل والبرهان

.
الثاني: القدرة على إقامة الشرع ومحو الكفر، وإزالة من أمر به- يعني الكفر- إذا لم يؤد ذلك إلى شر وفتنة أعظم.

ثم أردف البيان قائلا: إن الزجَّ بالشريعة وعلمائها في ميدان الطاعة المطلقة، والترهيب بالخروج على الحكام مطلقا، وهو يظهر العلماء بصورة المخذلين ،والمثبطين، والمجملين لوجه الظلم وأعوان الظالمين وموقعهم على مر التاريخ هو نصرة المظلومين ، وغياث المستضعفين، ورأس الحربة في مواجهة الظالمين، وكانوا نصرة للفقراء والمستضعفين، وهم اليوم في التاريخ الحديث قادة ثورات التحرر الوطني من الاستعمار، وهم الذين أعلنوا الخروج عليه وما استكانوا حتى خرج مخذولا بقوة السلاح، والله أعلم.

لذلك نقول لأمتنا الخارجين على الظلم على وفق ذلك :

- اخرجوا فلن تكونوا أبدا نملا. فالنمل وحده هو الذي قبل من النملة نصيحتها بدخول الجحور خشية أن يحطمها جيوش الغارين .

إنه لولا ما فرض علينا من المطاردات التي ألجأت من ألجات منا لمفارقة الأوطان، وتضييقٍ ألزم البيوت، وأسنان تقدمت، وعظام على الزمان والنازلات قد وهنت ، لولا هذا لرأيتمونا في الطليعة ومقدمة الركب ، نأمر بالمعروف، وننهى عن المنكر، درءا للشرور التي استفحلت والتي من شأنها أن تدع الديار بلا قع.

- فليخرج كل قادر ليسمع الظالمين صوته، وليبرئ ذمته أمام الله تعالى الذي لا يقبل عذرا من مُخَذِّلٍ أو متخاذل في مثل تلك المواقف ، حيث قال جل جلاله ( إن الذين توفاهم الملائكة ظالمي أنفسهم قالوا فيم كنتم قالوا كنا مستضعفين في الأرض قالوا ألم تكن أرض الله واسعة فتهاجروا فيها فألئك مأواهم جهنم وساءت مصيرا) النساء 97: 99.

- اخرجوا لتعذروا أولا إلى الله ، ثم لتعذروا ثانيا إلى العالم الذي يستشرفكم اليوم، ثم لتعذروا ثالثا إلى التاريخ الذي لا يغفل ولا يتغافل.

- اخرجوا على نية الأخذ على يد الظالم قبل أن يخرج غيركم ممن لا يرقبون فيكم إلا ولا ذمة من ملاحدة وشيوعيين .

- اخرجوا فدخول الجحور غير جائز لغير النمل

- اخرجوا وانفروا على وعد الله لكم ،وتصديقا به، وإيمانا برسوله صلى الله عليه وسلم، رسوله الذي قال" إذا رأيت أمتي تهاب أن تقول للظالم يا ظالم فقد تُوُدِّع منهم"

* انفروا وأنتم موقنون بصدق موعود الله لكم بأنه ( سيهزم الجمع ويولون الدبر)

- انفروا على أمر الله تعالى لمن كان في مثل حالكم ( ادخلوا عليهم الباب فإذا دخلتموه فإنكم غالبون وعلى الله فتوكلوا إن كنتم مؤمنين)

- اخرجوا وانفروا، فماذا تنظرون وماذا تؤملون، بعد أن نزفت الكرامة، واستبيحت المحارم، واسترخصت الدماء، وانتهكت الأعراض، وزورت الإرادة، وكذب القادة، وتحروا الكذب تحريا كانوا فيه عند الله من الكاذبين ، ماذا تنتظرون بعد أن نطق فيكم الرويبضة ، وسيق الأبرياء إلى السجون، وطورد العلماء والمفكرون كل مُطرَّد، وخُوِّن الأمين، وائتمن الخائن، وصار فينا المعروف منكرا، والمنكر معروفا ، حتى حُرِمت الأمة من خيراتها وأقواتها وكنوزها ، فسرق ذلك كله استرخاصا واستهانة ليمد به اليهود، إعانة لهم على جرائمهم في المسلمين المستضعفين في غزة والضفة وعرب 48 وغيرهم، وذلك بعد أن حوصر المستضعفون منهم ، وبعد أن أحيط بهم بأيدي الظالمين منا مجاملة منهم للمجرمين.

- انفروا واخرجوا قبل أن يلعنكم التاريخ وتكونوا من الهالكين.

-اخرجوا وانفروا لترموا بها في وجوه المجرمين: (وقل جاء الحق وزهق الباطل إن الباطل كان زهوقا) .

-( قل جاء الحق وما يبدئ الباطل وما يعيد)

اخرجوا لتتلوا على مسامع هؤلاء الذي طال عليهم الأمد بصوت مجلجل ، راعد آخذ متوعد قول الله تعالى في أمثالهم ( واستفتحوا وخاب كل جبار عنيد)

(ألا لعنة الله على الظالمين * الذين يصدون عن سبيل الله ويبغونها عوجا) ألا لعنة الله على عمائم السوء التي خانت وقبلت أن تكون في حزب الهالكين

منقول

آخده كوبي وبيست من هنا

realy !! Is it anew year !!!!!!

2011-01-04T10:51:00.006+02:00

بسم الله الرحمن الرحيم

لا أدري أأفرح بحلول العام الجديد ؟

أم أبكي على مرور 20 عاما ونصف من عمري ؟

لماذا هذه السنة بالذات أتخيل العام أنه يسألني عن انجازاتي منذ أربع سنوات حتى الآن

لماذا أتخيل أنه يسألني ولا يريد إجابة فالاجابة واضحة قبل السؤال

لماذا أراه يلومني على ما فقدت من مهارات شخصية خلال تلك الأربع سنوات

لماذا أراه يائسا من رجوع الأربع سنوات للوراء لعلي أحسن التصرف

لماذا أراه حزينا على عدم حفظي للقرآن الذي كان يجب أن أختمه من سنتين

لماذا أراه لا يطيق النظر إلى

لماذا أراه يلومني على كل لحظة

لماذا أراه متوعدا بأن يشهد علي يوم القيامة ويقول أنا عمرك الذي افنيتني في كذا وكذا وكذا ويعجز لساني حينها عن الرد

لماذا أراه مشفقا على حالي ولكنه يحملني المسئولية

لماذا اراه مبتسما ابسامة العاجز وهو ينظر إلى همتي التي ضعفت وعزيمتي التي مرضت

لماذا أراه يقول لي ان لم تبدأ في إنقاذ نفسك فستهلك ولن ينقذك أحد ولو حاول

لماذا أريد أن أصرررررررررخ من شدة الألم الذي يعتصرني

لماذا أراه يقول أنا عام جديد وعلى عملك شهيد فاغتنمني فإني لا أعود إلى يوم القيامة

لماذا أحس أني ضعيف رغم معرفتي بقوتي التي حباني الله إياها

أذهبت القوة أيضا مع ما ذهب !!

--------------------------

فعلا أريد أن أتغير

فقد تعبت

ولعل هذا العام يكون عام الفرج أو بضع درجات في سلم الفرج

فلتبدأ ثورة التغيير حتى وان كان الوقت ضيقا

2010-12-25T11:05:00.001+02:00

فلتبدأ ثورة التغيير

ولتمتليء الحياة بالأمل والحماس والثقة في الله

وليكن الشعار

ما أصابك لم يكن ليخطئك وما أخطأك لم يكن ليصيبك

ولتكن القرارت حازمة وحاسمة وليكن الصبر وعدم العجلة حليفاي في المعركة

وسأجتهد أن أنفذ كل قرار مهما كان صعبا ومهما كان طويلا وثقيلا على النفس

وليكن التوكل والثقة في الله هي المعين الأساسي الذي يمدني بالأمل والحماس ويدفع في قلبي الارادة

فعندما أقصر في التوكل على الله أو حسن الظن والثقة به يؤثر مباشرة على احساسي بالأمل والحماس والارادة

إذا بجب أن أركز في كل حركة في أكون متوكلا على الله محسنا الظن به وواثقا في قضاءه مهما كان

سيعقب هذا التحرك بهمة وعدم التهاون لأي مشاعر سلبية وسأمتلئ بالأمل والارادة مما يجعلني أتحرك وأعمل بحماس

10:16 am ---- Saturday

25/12/2010

مبقاش في مكان لجرح ولا لحد

2010-10-25T12:45:00.000+02:00

2010-09-16T08:19:00.002+03:00

بسم الله الرحمن الرحيم

باختصار

توفيت أحب انسانة لقلبي

عمتي

يارب يتغمدها برحمته ومغفرت

"الحمد لله"

14/9/2010

آخر ما وصلت إليه الدولة من عار

2010-03-13T15:51:00.007+02:00

بسم الله الرحمن الرحيم

بعد الحمد لله والصلاة والسلام على رسول الله

ازيكم يا جماعة

النهاردة بجد فاض بيا وحابب أكتب للي يعرف واللي ما يعرفش

حابب أكتب عن القدس .. حابب أكتب عن كيفية التعامل مع مقدساتنا يا جماعة

روحنا ودمنا

حابب أكتب عن وطنا الغالي فلسطين

حابب أكتب عن كيفية التعامل مع الناس الشرفاء اللي بيحاولوا يدافعوا عنه سواء كانوا ينتموا إلى جماعات أو لا

مش عايز أطول لأن الموضوع حيبقى لوحده طويل

نبدأ بالترتيب

أحب أقول نبذة مختصرة جدا جدا عن الوضع في فلسطين

أو تحديدا القدس

باختصار أوي أوي ان اليهود عايزين يضموا الحرم الابراهيمي وبعض المقدسات الاسلامية للقدس

إلى جانب الجريمة الأشد وهي هيكل سليمان المزعوم

يا جماعة لو زلزال قيمته خمسة ريختر بس حصل المسجد الأقصى حيهدم

ده إلى جانب ان هما محددين معاد هدمه !!

السادس عشر من مارس

يعني كمان ثلاث أيام يا جماعة

يوم الثلاثاء الجي ده

في ظل الظروف دي الباشا حسني مبارك عايز يعمل طابع لنفسه يكتب جمبها انتصاراته (لا تعليق )

يا جماعة باقي ثلاث أيام فقط

ايه الرقود ده

فين الرؤساء العرب المسلمين ؟

قدسنا حتهدم

طيب مش حتعملوا حاجة يا رؤساء سيبونا احنا نعمل

بالله عليكم يا جماعة اقرأوا التقرير ده

اضغط هنا

عارفين يا جماعة الناس اللي اتمسكوا دول تهمتهم إيه ؟؟

ترديد هتافات لتعكير الأمن والسلم العام والتجمهر والانضمام إلى جماعة محظورة

بالله عليكم بعد كل ده والناس لسة خايفة ؟

يا جماعة بنقول القدس

القدس

ياريت كل واحد فينا يسأل نفسه

يوم ما كل واحد حيقف وحييييد يوم القيامة يحاسب على أعماله

حيقول إيه لربنا ؟

هل حيقوله يا رب أنا عملت الي عليا ؟

ولا حيقول يارب مكنتش عارف أعمل إيه ؟

حيقوله كنت بخاف من الأمن المركزي ؟

حيقوله مكنتش بحب الناس المتدينة ؟

حيقوله أنا قضيت كل حياتي أنتقض في الناس والوضع وأنا مليش دور؟

حبايبي

كلنا عندنا إيدين ورجلين ولسان وكل حاجة

مفيش عذر للي منضرش الأقصى

أنا حقول حاجات بسيطة نعملها لنصرة المسجد الأقصى

أولا المقاطعة

المقاطعة اللي هي اعلان عداوة بينك وبين اسرائيل

مش حقولك حتخسر اسرائيل بس عيب تشتري من عدوك حاجة

حرام عليك والله

مش شهامة

ومش رجولة

ومش مروءة ولا أي ححااااااااجة

دي خيانة

ودي قوائم المقاطعة من موقع قاطع وهذا الموقع متخصص ومصدر موثوق

اضغط هنا

ثانيا : ان القضة تبقى شاغلاك ليل نهار تدعي في الصلاة تيجي تشتري حاجة من الشارع تقول لا فلوسي اخواني أولى بيها

صلوا كل يوم بالليل ركعتين حاجة وادعوا ربنا ينصر الاسلام والمسلمين

ادعوا ربنا في كل صلاة

انشروا القضية بين صحابكم وعلى النت

يا جماعة احنا مش عارفين نحارب

اعملوا بقى اللي عندكم

والله الدين مش حينتصر إلا برجاله خلينا رجال الاسلام ياريت يا جماعة اللينك بتاعي ده سواء الكلمة عجبتكوا أو لا لعلها تؤثر في حد غيرك وتاخد ثوابه

وكذلك أي كلمة عن الأقصى

يا شباب عايزين لما نسأل يوم القيامة نقول يارب أنا اه قصرت بس حاولت أعمل أي حاجة أو نقول يارب علمنا اللي علينا

-------------------------------------------

ده إلى جانب حملة الاعتقالات الشرسة أوي أوي على جماعة الاخوان المسلمين

واللي والدي منهم

ياريت برضه تقرأوا الخبر ده

اضغط هنا

لا ده خبر قديم أما حديثا ضمولهم يتاع خمستاشر كمان وكلهم قيادات

ومن يومها كل خمستاشر يوم يتعرضوا على المحكمة ويدولهم خمستاشر يوم كمان على ذمة التحقيق

لالالا دول كوم بقى والكلية كوم تاني

الطلاب عندنا كانوا عاملين حملة يلموا تبرعات باسم ومن أحياها

يلموا تبرعات عشان يجيبوا 2 جهاز تنفس لمستشفى الأميري

تخيلوا ؟ ايه اللي حصل

لو الوقفات السلمية تعتبر عمل غير سلمي

لم التبرعات متهيألي مفيهوش أصلا مشكلة بقى

وإذا بالبلطجية يدخلوا حرم الكلية وينزلوا في طلاب التيار الاسلامي ضرب

ده إلى جانب ان بعدها تم اختطاف سبعة من طلاب الاخوان المسلمين

ده إلى جانب الاعتقالات واللي ما كانوش يلاقوه في بيته ياخدو أبوه حتى لو مش أخ

اقرأوا ده برضه

وده المختصر المفيد عن حملة ومن أحياها واللينكين دول يا جماعة أهم من بعض

اضغط هنا

وبعدها عملنا مظاهرة حاشدة في كلية هندسة وكانت أروع الحاجات

وتجمع فيها طلبة كتير أوي أوي

وكانت منظمة جدا جدا وسلمية كالعادة

واخططف بعدها سبعة من الطلاب

وكان النبأ كالتالي

اضغط هنا

ولكن بحمد الله تم الافراج عنهم بعدها بثلاث أيام

شباب أنا مش بقول الكلام ده عشان أنتقد الواقع أو عشان أحبط أي مجدد أو أي واحد عايز يعمل حاجة

أنا بقول الكلام ده عشان نبدأ بقى نعمل حاجة

كفاية خوف خلي الخوف يبقى من ربنا

كفاية خوف خلي الخوف يبقى من السؤال يوم القيامة

وحذكركم تاني اخواني

اهتمام بالقضية

نشر القضية ومتابعة آخر الأخبار

المقاطعة المقاطعة الممقاطعة لمجرد المقاطعة

نشر القضية تاني

أصدقاء

فيس بوك

نت

مدونات

راسلوا صحفيين

بصوا .. اعملوا أي حاجة

وأحب أحذر أخيرا من حاجة اتخنقت من كتر ما بسمعها

كلمت وأنا حعمل إيه ؟

النص جنيه بتاع الشيبسي اللي حيموت ؟

المظاهرة مليانة ناس أبعد أنا مش أنا اللي حكترهم

يعني ياريت نشيل القضية في رقبتنا ياريت

كما أدعوكم لإلقاء نظرة سريعة على مدونتي الأخرى

http://www.lcdaccesories.blogspot.com/

فكر شوية قبل ما تذاكر

2010-01-06T02:47:00.002+02:00

بسم الله الرحمن الرحيم

يا جماعة أنا عشان بحبكم وخايف عليكم واحد واحد

أحب أنصحكم

ده موسم مذاكرة طبعا

وبما إني ذات خبرة في المذاكرة

أحب أنصحكم من واقع خبرتي البسيطة

أولا يا جماعة عشان نبدأ نذاكر لازم نبقى عارفين نتيجة المذاكرة إيه

وحرصا مني على وقتكم

واني مش عايزه يضيع في حاجات هايفة

حبيت أوريكم نتيجة المذاكرة

لعلها تحمسكم خاصة في أوقاتنا دي

أهم حاجة تركزوا بس وانتوا بتذاكروا هه

(^_^)

يلا سلام عليكم

جراحي ومالي جراح سوى ذنوبي فكيف أداوي الذنوب!!

2009-12-11T03:44:00.002+02:00

بسم الله الرحمن الرحيم

أحبابي حبيت أسمعكم نشيد حكاية فعلا

سمعتها من كام يوم وقت السحر

تحذير هام : من يبكي أو ترق مشاعره واجب عليه أن يدعو لي

http://www.tajdeef.com/up/up/yonadii.choir.mp3

اللهم أحيي قلوبنا بمعرفتك ولا تكلنا إلى أنفسنا طرفة عين

2009-11-18T19:43:00.006+02:00

بسم الله الرحمن الرحيم

كل سنة وانتوا طيبين

ويارب تكونوا بخير جميعا

النهاردة ليلة اليوم الثاني من ذي الحجة

حبيبت أكتب اقتراحات إزاي نستخدم العشر أيام دول أحسن وأفضل استخدام

كتير مننا عارفين ان العشر الأوائل من ذي الحجة ليهم ثواب عظيم

ويجب علينا اننا نستغلهم

وكتير مننا فعلا بيواظب على الصيام في تلك الأيام العظيمة

وكتير من الشباب بيواظب على الصلاة في المسجد

وكتير من الشباب بيحاول يواظب على الصلاة ويعود نفسه انه يبدأ يصلي

أنا النهاردة مش بتكلم على فضل العشر أيام

لأن فضلها كبير جدا جدا واللي عاوز حيلاقي النت مليان

بس النهاردة بقترح عليكم حاجات ممكن نعملها

أبواب خير بلاحظ ان في ناس كتير أوي ناسياها

بقترح نقلل من معاصي كتير أوي مننا اتعود عليها من غير ما ياخد باله

وبقينا بنعملها ومش بنحس بالذنب

عارفين في حكمة بتقول ان مش الذكاء انك تاخد ثواب كتير.. الذكاء انك تاخد ثواب كتير بجهد قليل

----------------------

الصيام والصلاة ولو حد حيصلي قيام وقراءة القرآن كل ده جميل أوي أوي

إيه رأيكم ندخل معاهم حاجة جميلة ... مجرد انك تكتب أسامي كل أفراد العيلة في ورقة

وتتصل بيهم

طبعا خليك حرك وقسمهم على كذا يوم :D

أديك عملت صلة رحم

إيه رأيك في يوم تجيب وردة واحدة وقبل ما تنام تديها لوالدتك وتقولها بحبك

تخيل احساسها حتبقى راضية عنك ولا لا ؟

لالالا احساسك انت بقى وانت بتديهالها وشايفها مبسوووووووووطة أوي وانت ما عملتش حاجة غير انك جبت وردة

وقولت كلمة بسيطة

أكيد حتبقى طاير

إيه رأيك تروح تكلم بباك وتسأله هو عامل إيه وإيه أخبار شغله

إيه رأيك لو تكتب برضه أسامي صحابك في ورقة

مش الأنتيم .. اللي كانوا مثلا معاك في المدرسة أو معاك في المدرسة الناس اللي معاك في الشغل

وتتصل بيهم

مش أكتر من دقيقة كل تليفون وكل سنة وانت طيب وقشطة أوي على كدة

أو حتى تبعتلهم ماسيجات على الميل

بس ياريت تكون

private

كل واحد رسالة باسمه وكلام عشانه مش

forward

هه

بش بقول خليك حرك

.........

إيه رأيكو مرة تعمل ولو لوحدك زيارة لمكان أيتام

وتحضن طفل يتيم

وتحط إيدك على راسهم وتحس بيهم وتحط نفسك مكانهم

رغم انك ممكن تكون بتعاني في البيت بس أنا متأكد انك لو من غير بيت كنت حتعاني أكتر

حط إيدك على راسهم وانت بتبتسملهم وقلبك بيقول الحمد لله

إيه رأيك تاخدلهم بونبوني معاك ؟

........

إيه رأيكم تقرأوا كتاب في الأيام دي

أيييييييي كتاب

أنا برشحلكم أحلى كتاب في الوجود واسمه

شباب جنان

للدكتور خالد أبو شادي

..........

إيه رأيكم لو تروحوا جنازة وتعاااااااافر وتوصل عند القبر وتشوف المتوفى وهو بيدفن

وتغمض عينك وتشوف نفسك وانت في اليوم ده والناس شايلاك وسامع الناس اللي برة بتعيط عليك وبتدعيلك ربنا يغفرلك

وتقول يارب سامحني عن أي حاجة

وساعدني اني أبقى مستعد لليوم ده

.........

إيه رأيك تبعت جواب لكل جرانك في اليوم اللي قبل وقفة عرفات تذكرهم فيه بالصيام

وان صيام يوم عرفات يكفر ذنوب سنة ماضية وسنة حاضرة

وتهنئهم بالعيد

بابتسااااااااااامة طبعا

.........

إيه رأيك لو انت بتقرأ قرآن تركز أووووووووووي في أول ربع بتقرأه

وتتدبر في المعاني

.........

إيه رأيك تدعي ربنا في الأوقات الصح

اللي الدعاء يكون مستجاب فيها

زي وقت السحر مثلا ( قبل الفجر بساعة كدة لحد الفجر ) ونعود نفسنا اننا نلح على ربنا في الدعاء

.........

كل جه وانت ناسي صديقك اللي ممكن يبقى سبب ان ربنا يظلكم بظله يوم لا ظل الا ظله بسبب حبكم لبعضكما في الله

جيب لصديقك هدية

واعد معاه واتفقوا تعينوا بعض على طاعة ربنا

حتى لو حنهيس شوية يا شباب

بس خلي أدامكم طريق ربنا واضح وفكروا بعض بيه

.........

أعمال الخير كتير أوي أوي أوي

إيه رأيكم طيب

الحقيقة يا شباب فاضل نقطة كمان عايز أتكلم فيها وشايف ان العشر أيام دي فرصتنا كلنا

اننا نتغلب عليها سواء في أنفسنا أو ااننا ننصح غيرنا بيها

حاجة بنعملها تقريبا كل يوم لدرجة اننا بقينا مش بنحس بالذنب لما تحصل

ألا وهي (قبل ما دماغ حد تروح بعيد ) غض البصر

أنا طبعا أتمنى أغمض عيني وأفتحها ألاقي الشباب كلهم بيغضوا بصرهم

بس إيه رأيك أول ما يحصل

ما تتماداش

وتبص في الأرض في ساعتها وتقول يارب أنا آسف

أستغفر الله

عارف ان صعب نتغلب على الظاهرة دي في ظل هذا الزمن وعارف ان يجب أن تحتشم البنات قبل أن ينظر الشباب

ولكن لن ينفعك أحد يوم القيامة

حتتحاسب لوحدك

ربنا يعينكم يا شباب عايز أشوف ردودكم ونتناقش

ادعولي بالله عليكم

قبل ما أقفل

عايز أنصحكم نصيحة أنا محتاج أقولها لنفسي قبلكم

نفسك انت اللي تتحكم فيها مش هي اللي تتحكم فيك

نفسك دي حتشهد عليك يوم القيامة مع انها هي اللي بتأمرك يلا يا شباب كل سنة وانتوا طيبين

وعلى رأي بوحة

مااااااااااء

ههههههههههههههههه

سلام عليكم

لو مش بتتبل في بقك فولة أنا أعرف أتعامل معاك يا حبيبي

2009-05-26T22:02:00.005+03:00

بسم الله الرحمن الرحيم

---------------------------

أخونا أحمد بسام يا جماعة

أكيد في كتير عارفينه صاحب مدونة احنا مش خايفين

إحنا مين يابني ؟؟

ما علينا

أكيد كلكم قرأتوا التدوينة دي عندو .. لو ما قرأتوهاش ياريت تقرأوها وتيجوا تاني عشان تموتوا على نفسكم من الضحك

وفاة حفيد الريس

صحيت أنا اليوم ده وآعد على الميل بصبح على البشر قبل ما أروح أذاكر في المكتبة

لقيت أحمد بيقولي

إلحققققققققققققققنننننننني

قولتله في إيه ؟

قالي ادخل على مدونتي وانت تشووووووووووف أنا اتصدمت أصلا

قولتله طيب اتقل

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

دخلت على مدونته لقيت الناس مظبطاه

اللي يقولو ربنا ينتقم منك

واللي يقولو ربنا يخلي الريس وانت منك لله

واللي يقولو انت بتشمت في عيل صغير منك لله انت واللي زيك

ههههههههههههههههههههههههههههههههههههههههههههههههههههههههههههههههههههههههههههههههههههههههه

ههههههههههههههههههههههههههههههههههههههههههههههههههههههههههههههههه

لا بجد ناس جامدة

هههههههههههههههههههههههههههههههههههههههههههههههههههههههههههه

دخلت قولتله أعتقد أن كل التعليقات شخص واحد

ولسة حشرحله أنا بقول كدة ليه

قالي قشطة كويس انك قولتلي ( واطمن على كدة خلاص )

أنا مت على نفسي من الضحك أصلا

المهم قولتله يتصرف إزاي

وبعت اللينك لصحابي قولتلهم خشوا قولوا رأيكم وأنا طبعا كتبت رأيي

فيهم اللي دخل وعلق وفيهم اللي معلقش

وطمنت أحمد

يا عيني أول مرة حد يظرفه كدة ياعيني اتخض من الكلام

طبعا انتوا مش عارفين معنى العنوان بتاع البوست ده

( لو مش بتتبل في بقك فولة أنا أعرف أتعامل معاك يا حبيبي )

اتفاجئت ان الكابتن حمادة داخل على مدونة ما وبيقول

الأشخاص المجهولين اللي في الأول كلهم شخص واحد

لكن اللي تحت دول كلهم صحاب عبادة

قولت يابن الذين

دخلت على مدونته لقيت الأخ كاتب تعليق عليا

" زعيم الشلة الكبير عباده نورت يا حبي و قصر بقه و ذاكر الامتحانات علي الابواب عارف أنت حتقول ايه مش حتفتح الباب و أشوفك بكره ان شاء الله في المكتبة "

يابن الذييييييييييييييييييييييييييييين

ههههههههههههههههههههههههههههههههههههههههه

ههههههههههههههههههههههههههههههههههههههههههه

أيوووووووووووووووووخ

ماشي

روحتله المكتبة اليوم اللي بعده

وقولتله اتقل عليا أفضى وحتشوف حعمل إيه ومقولتلهوش حتى أنا بقوله كدة عشان إيه

ولا كلمته على أي حاجة

ههههههههههههههههههههههههههههه

صعبان أوي عليا يا حمادة

هههههههههههههههههههههههههههههههههههههههههههههههههههههههههه

ياخربيتك مش قادر يابني ده انت مشكلة

هههههههههههههههههههههههههههههههه

ياريت يا جماعة كل اللي يدخل يعلق على الموضوع ده بالذات ولو حيضحك بس

عشان أحمد حبيبنا بس ميبقاش محتاج حاجة

ههههههههههههههههههههههههههههههههههههههههه

هههههههههههههههههههههههههههههههههههههههه

ههههههههههههههههههههههههههههههههههههههه

رحلة بحري يوم الخميس 23/4/2009

2009-05-16T09:30:00.003+03:00

بسم الله الرحمن الرحيم

--------------------------

http://www.youtube.com/watch?v=OFg2wceVVfY

--------------------------

باختصار شديد أوووووووي دي كانت رحلة عملناها أنا وصحابي

كنا 22 واحد بس

دي دفعة 2007/2008 مدرسة المدينة المنورة

يعني في أولى كلية ناو وكليات مختلفة بقى

حبينا نتجمع ونشوف بعض ده كان يوم ماتش الأهلي والزمالك ( أنا مش بتفرج على كورة أصلا بلعب بس ) بس ما علينا

وبعد والماتش طلعنا على القلعة وصباح الهياس بقى

اللي عايز يشوف الصور بقى وباقية الفيديوهات يدخل على الفيس بوك عشان مش فاضي أرفع كل ده

(^_^)

بس كان يوم تحفة بججججد وفي ناس كتييييييييييييييير أوي معرفتش تيجي

وكان في ناس كتييييير بتقولي يابني انت حتروح حتلاقيني أنا وانت بس اللي واقفين

وفي اللي مشغول واللي مسافر واللي بيدلع

بس كل دول ندموا طبعا

وان شاء الله المرة الجاية نبقى الدفعة بجد

مش حنبقى أقل من 35 واحد ان شاء الله

يلا سلام بقى عشان قال إيه .. بذاكر

ادعولي يا جماعة بالله عليكم عشان أنا رايح في داهية

فين عقول الشباب ونخوتهم .. الناس اتجنت ولا إيه

2009-04-06T21:56:00.007+02:00

بسم الله الرحمن الرحيم

مقدرش أبدأ كلامي إلا قبل حمد الله

حمدا ملئ السماوات والأرض وملئ ما بينهما

حمدا ملئ الأكوان

حمدا يزن أُحُد

حمدا كثيرا طيبا مباركا فيه

------------------

حد يقووووللللللللي بقى إيييييييييه اللي بيحصل في الدنيا ده ؟؟؟!!!!!!!!

الناس عقولها راحت فييييييييين

وأنا رايح الشغل أول إمبارح بسمع الراديو في العربية

ألاقي ان وزارة الصحة عاملة حملة في الكليات

وبوستارات بقى وبتاع

ليه كل ده ؟؟

عارفين ليه ؟؟

عشان عايزين يقاوموا الإيدز

عارفين كاتبين على البوستارات إيه ؟؟

ممارسة الجنس الآمن

المذيعة بتقولوا في بعض النقاض بيقولوا ان الحملة دي حتساعد الشباب وتسهلهم الاتصال الجنسي وحتزود الجرأة وان الحملة دي تعتبر اعتراف ان ده العادي بين شباب الجامعة

بيرد بقى وبيشرح وجهة نظره

بيقول الشباب أكتر سن بنخاف عليه .. لازم نحميه والكلام ده مش من دماغنا ده ساعدنا فيه مائتين ألف طالب وطالبة

وده كلام علمي ويجب اننا نثقف شبابنا

وبيشرح بقى بالتفصيل إيه اللي بيجيب الإيدز على الإذاعة

إيه المطلوب طيب

الشباب وفسدوا

والبنات كل يوم والتاني بيزيد التنافس مبينهم على مين يكشف عرضه وعوراته

حتى الشباب بقيت تشوف الراجل تبقى عايز تشتمه

مشيته لبسه منظره إهتماماته مش راجل

مش راجل مش راجل يعني

والحدق يفهم

الإذاعة دي كانت أول امبارح في الراديو

اليوم بقى اللي قبل ده بالليل

كنت بجري على البحر

وأفاجأ بواحد بيقبل واحدة في الشارع أدام الناس

فين الحياء يا جماعة

أنا اليوم ده روحت أقسم بالله كنت ببكي

ووأنا بكتب البوست ببكي أصلا

ده مش شاب ضعف وتاب

ويكرر ويتوب

لالالالالالا

ده ( عـ حذفت للرقابة س )

أدام الناس كدة ؟؟

طب وهي فييييييين ؟؟

وغيره والله كتير ده مش أول واحد

طيب اليوم بقى اللي قبل ده كنت برضه بجري عالبحر بعد الشغل

لقيت عيال

بالكتير أوي تسعتاشر سنة

اتنين وكل واحد آعد مع بنت على الصخور ماجنا في اسكندرية وطبعا ده العادي انها في حضنه

وأنا راجع من بعيييييييييد لمحت واحد فيهم طلع بره الصخور وعمال يشد في واحدة

عايز يحضنها وهي بتبعد

جريت وأقسم بالله كنت حرفس اللي جايبينه رفسة

رحت لقيتها بتضحك

كملت وخليتني في حالي .. وقولت يارب يهديهم

يا جماعة أرجوكوا قولولي إيه ده ؟؟؟

ده كل ده قبل موضوع الحملة اللي بتوعي الشباب وتثقفهم وتديهم معلومات قيمة عن الممارسة الآمنة

حنفسد أكتر من كدة إيه بس ؟؟

-----------------------

أقسملكم بالله العظيم

اليهود بيخططولنا ليل نهار

وأقسملكم إن كل أفلامنا ومسلسلاتنا هادفة انها تحطم معايرنا

ده موضوع المعايير ده حتكلم فيه بعدين باستفاضة

وأكتر عدو فرحان

الشيطان

اللي طلع والدينا من الجنة .. ضحك عليهم وزينلهم الشجرة المحرمة عليهم

ويا سعادته لما طلعوا من الجنة

بصو طيب ده في القرآن بتاعنا هه

" يا بني آدم قد أنزلنا عليكم لباسا يواري سوءاتكم وريشا .. ولباس التقوى ذلك خير ذلك من آيات الله لعلهم يذكرون * يا بني آدم لا يفتننكم الشيطان كما أخرج أبويكم من الجنة ينزع عنهما لباسهما ليرهما سوءاتهما انه يراكم هو وقبيله من حيث لا ترونهم انا جعلنا الشياطين أولياء للذين لا يؤمنون "

يا جماعة أرجوكم عدلوا مساراتكم ده ربنا بيقولنا بالتفصيل كل حاجة بوضوح

انكروا الغلط

أضعف الإيمان بقلوبكم

والله أنا مرضيتش إني أكلم الولد أو الراجل

عشان كنت متنرفز جدا ولو كلمته كنت حشمطه مش حنصحه

وأنا عمري ما كلمت حد بعنف بالذات في المواضيع دي

ولا ديني يسمحلي بكدة

ولا أنا حوصل لهدفي لما أكلمه بعنف

------------------

احنا بجد وصلنا للزمن اللي فيه الممسك على دينه كالممسك على الجمر

يا جماعة اقرأوا

فكروا في اللي انتوا بتعملوه قبل ما تعملوه

أنا مش بقول الحب حرام وكدة واللي عارفني يعرف

الحب والمشاعر أرقى حاجة

والجنس كذلك ولو محكمهوش عقل ودين وحياء ومعايير وخلق حيبقى زيه زي الحيوانات

وفي الآخر مش حتحصل على اللي انت عايزه

وحتفضل تكرر وتكرر وتتعود وتدخل في حالات نفسية وحوارات

متتبع بقى الطريق الصح المريح

متمشي بقى في طريق علاقة بينك وبين ربك

مش حتلاقي أكتر منه يحرسك ويقويك ويجبر بخاطرك ويداوي جروحك

واسألوني

آسف جدا جدا لو كلامي جرح حياء حد

ويارب يغفرلنا جميعا لو فينا حد كان كدة في يوم من الأيام أو كان بيمشي نحو كدة أو كان بيشوف كدة وقلبه حتى مش بيوجعوا

ياريت يا جماعة محدش يتعود على المشاهد دي لأنها مش عادية

ديننا محتاج ناس تعمله

شدوا حيلكم

لو حتيجي على نفسك عشان المصلحة العامة تعالى على نفسك

وتأكد ان ربنا حيفرجها

--------------

يا جماعة انتظار الفرج عبادة

" ومن يتق الله يجعل له مخرجا ويرزقه من حيث لاااااااااا يحتسب ومن يتوكل على الله فهو حسبه "

يارب يهديني وإياكم

وبهدي لنفسي قبل أي حد الصورة دي

مش أنا اللي عاملها هه دي من على جوجل (^_^)

كوممينت صغير بس يا جماعة

اللي رينا بيرزقه ويتزوج اهتمامه بزوجته واستيعابها واحتواءها بكل معنى الكلمة ده من أهم الحاجات

وبيؤجر على كدة

والاتنين كل ما يقربوا من بعض بياخدوا ثواب

كل ما يحبوا بعض بكل معاني الحب بياخدوا ثواب

كل ما يعبدوا ربنا مع بعض بيرتقوا أكتر وأكتر

وربنا يشرح صدورنا للاسلام ويثبتنا على الحق ويرزقنا العزيمة

ويحيي فينا النخوة

ويعمق الحب في الله بين الأصدقاء شباب كانوا أو شابات

وادعولي بقى هه

(^_^)

في سركم بس بلاش فضايح

عارفين !! ... إحساس تحححححفة والله

2009-02-23T21:31:00.002+02:00

بسم الله الرحمن الرحيم

سلام عليكم

شباب عاملين إيه ؟ ... وحشني التدوين أوي والقراء والتعليقات والمدونات اللي متعود أقرأها على طول

إعذروني شغل بقى

طبعا حعد فترة كدة كل تدويناتي حتبقى على الفترة اللي فاتت

لأن الفترة اللي فاتت كانت فترة فعلا عجيبة

مليانة مواقف ... جميلة ... صعبة ... متعبة

ناس تقدرك ... وناس تدوس على كرامتك دوس ... وللأسف من أحب الناس ليا

أطفال تضحكلك تنسيك كل حاجة

شغل صعب جدا وخبرة تستحق

إحساس بمسؤلية

إمتحانات صعبة جدا ... ومذاكرة لأول مرة

كورسات

حياة كاملة بتتغير بسرعة كبيرة

قرارات كتير بتتاخد

قلب بيتهان

سبحان الله

ما علينا بقى

أنا النهاردة جي أحكي على رحلة

هي رحلة للأطفال

في اسكندرية

بتبدأ بمكتبة اسكندرية وبعدين قلعة قايتباي الأحياء المائية المتحف الروماني وفي الآخر النزهة .. كورة بقى ومسابقات وبعد كدة يلا يالا انت وهو كل واحد على بيته مش عايز أشوف حد هنا

طبعا أنا طلعت الرحلات دي وأنا صغير

وعارف إني زي ما بروح زي ما باجي للأسف

فضلت أفكر يوميها بالليل

عايز أخلي الرحلة مفيهاش روتين

عايز أموت العيال لعب بس لازم يطلعوا مستفيدين بحاجة

على الأقل المجموعة اللي معايا

الحمد لله ربنا ألهمني بفكرة ما

أخدت ورق من البرينتر

وأعدت أدور على الأقلام بتاع نص ساعة

الحمد لله لقيت قلم واحد

( أصل الأقلام بتخلص من عندنا بسرعة عشان المذاكرة تاك تاك تاك مفيش رحمة )

ههههههههههههه

المهم

رحت وأول ما وصلنا لأول مكان

جمعت المجموعة اللي الجمعية مكلفاني بمصاحبتها :D

وقولتلهم بصوا كل واحد ياخد ورقة وأنا معايا قلم اللي يحتاجه يقولي

وأحسن حيكتبلي اتعلم إيه من الرحلة ليه خمسة جني القهراوية بيقولوها ( جنيه )

ما علينا

وقولتلهم مش عايزكم تكتبولي التاريخ

أنا عايز حسيتوا بإيه ... حاجة علقت في دماغك .. موقف ملهوش دعوة بالرحلة .. حاجة عجبتكم كدة يعني والجايزة مش لأكتر واحد يكتب الجايزة للي يكتب بصدق وبفهم وبإحساس

ونظرات الحماس ملت عيونهم

تحفة أوي الإحساس ده

لالا بصوا دي

واحد سمعنا قالي أستاذ ممكن أدخل في المسابقة دي

قولتلوا طبعا اتفضل ورقة ووريني نفسك

قالي أنا حاخد الخمسة جني

عشان مطولش عليكم

هو فعلا أخد الخمسة جني

اسمحولي أجيبلكم مقتبسات من اللي كتبه

وعندما رأيت الآثار جميعها ناوبني شعور الاستفهام كيف مضت جميع هذه القرون ومازالت الآثار محتفظة بجمالها وألوانها فعرفت أن الإجابة هي إجابة واحدة وليس لها ثاني وهي " الاجتهاد في العمل "

وعندما قالت المرشدة أن هذه الآثار مستخرجة من الماء ناوبني ثانية شعور الاستفهام كيف استخرجت ؟! وعلمت بعدها أنه لولا العلم والمذاكرة لما توصل الإنسان والبشر إلى الكاميرا التي تصور في الماء والآلات التي تحمل الآثار من الماء إلى البر فنتعلم من هذا أن المذاكرة من أهم الأشياء

بصوا .. دي أجمد بقى

وعندما دخلت أصلي فوجئت وذهلت بمنظر لم أشد له مثيل من قبل فإذا به مطر شديد الغزارة وفي نفس الوقت شمس شديدة السطوع فعلمت ساعتها أنا الله يقدر على كل شيء فتيخل أنه بنفس القوة والقدرة خلق الجنة بجمالها وبنفس القوة أيضا خلق النار بشقائها فقرر أنت بنفسك ماذا تريد طبعا تريد الجنة فيجب أن تتعبد وتطيع بصدق لكي تصل إليها

على فكرة هو كاتب صفحتين ونص

بسم الله ما شاء الله

طيعا مش هو بس اللي كتب في واحد كمان كتب بس الورق اتبل منه ورماه لأن الدنيا شتت علينا

وواحد تاني كتب معايا ورقة بس مكسل أكتبها كتب بتاع سطرين كدة

شايفين الكسل

ههههههههههههه

بجد إحساس تحفة

وطول الرحلة شايفهم بيتأملوا

وبيحاولوا مياخدوش المواقف بالطريقة النمطية عشان ينافسوا بعض

طب عارفين في واحد فرحت بيه أوي أوي

جه قالي أستاذ أنا مستفدتش حاجة كلها حاجات فراعنة وناس مش بتعبد ربنا

حبة أحاسيس كدة تحفة أوي

حماس الولاد

منافسة

واحد يكتب بس ميقدرش يكمل

واحد الورقة تتقطع منه بس ميبقاش زعلان ويكمل الرحلة ومبسوط

وواحد صريح أوي

طبعا أنا محترم جدا جدا جدا ان في أطفال فيهم معندهمش مهارة الكتابة أو التعبير عن المشاعر زي ما هما عايزين

ودي حاجة أنا احترمتها

ويكفيني أوي أوي

إن في واحد فيهم على الأقل حس انه عنده موهبة التعبير عن شعوره بلباقة

وأنا بنصح حبيبي طبعا لو قرأ التدوينة دي انه يعمل كراسة وعلى الأقل كل يوم يكتب ولو موقف واحد

حينمي موهبته

حيحيي العبادة اللي معظم الناس ناسياها وهي التأمل

وحاجات كتير على مستواه الشخصي وفكره حيعلا

وفي آخر التدوينة طبعا عايز أوصيكم بشيء مهم

لو حد عنده إخوات صغيرين أو ربنا رزقه بأطفال في البيت

يتناقش معاهم في كل حاجة ويستوعبهم وميغضبش لما يعملوا حاجة غلط ويعودهم على الصراحة عشان لما يكبروا ميكدبوش

واوعوا حد يمد إيده على طفل عشان أنا بموت في حاجة اسمها أطفال

والطفل اللي يتصل بيا يقولي أخويا ضربني ولا حاجة

مبقاش عبادة لو معملتش كذا كذا

يلا يا جماعة

سلام عليكم

على كثرى الهموم اللي في قلبي ما شكيت الحال

2009-02-16T20:46:00.006+02:00

بسم الله الرحمن الرحيم

أزيكم يا جماعة

عاملين إيه

نفسي أكتب من زمااااااااان أوووووووووي أوي

اعذروني مريت بظروف غريبة جدا جدا

يادوبك أول ما كنت أقدر أتحرك وأنا عمال أدخل في حواراااااااااااااااااات

الحمد لله

ان شاء الله حدون قريب أوي أوي بس أفوق

إدعولي بالله عليكم إدعولي

لالالا إدعولي بجد الله يكرمكم أنا في عرض أي دعوة

سلام عليكم وان شاء الله حدون قريب عشان الفترة اللي فاتت كانت مليئة بالأحداث المثيييييييرة

مثيرة يعني أحداث متتالية ومواقف صعبة وكدة هه ( من أجل الشباب )

اللهم لك الحمد

2008-12-02T16:15:00.003+02:00

بسم الله الرحمن الرحيم

معلش يا جماعة حتكلم باختصار

أعتذر لكل اللي علقوا عندي ومردتش عليهم

أنا امبارح

يعني يوم الاتنين

1/12/2008

عملت عملية أسمحولي مش بقدر أعد على الجهاز

ياريت بس تدعولي

عشان بتألم أوي

ويارب كل ~ألم يبقى بيشيل عني ذنوبي

ولما أخف أو أول ما أكون قادر إني أعد على الجهاز حرد على كل الردود اللي مردتش عليها بإذن الله

سلام عليكم

فإن مع العسر يسرا إن مع العسر يسرا

2008-11-26T02:55:00.003+02:00

بسم الله الرحمن الرحيم

ياااااااااااااااااااه

الصورة دي كل ما أبصلها بفتكر ايام جميييييييييلة أوووووووي

ساعات لما أشوفها أضحك

ساعات أبكي

ساعات ببكي أوي زي اليومين دول

ساعات بفتكر أيام تحححححححححححفة

ساعات بفتكر نفسي وأنا في المدرسة

بفتكر أولى حضانة

وأستاذة حكمت

ياااااااااه

وصحابي

والألوان المية والألوان الخشب

وأبلة عبير

وأبلة منى

يااااااااااااااه

أيام متتعوضش

الصورة دي بقى كنت مع بابا في الورشة زمااااااان

كنت بروح الورشة زمان

والصنايعية كانوا يحبوني أوووووووي

كنت بقى أمسك مكعب خشب

وأطلع عين اللي جايبينوا مسامير

ههههههههههههههههه

أيام جميلة أوي أوي

مفيش مسئولية

كنت بحس أياميها اني لما أعمل حاجة حلوة ربنا بيكافئني في ساعتها وكنت أحس بحلاوة الحاجة الحلوة

ولما أزعل حد مني أو أشتم كنت أحس ان الناس كلها زعلانة

وساعات أفتكر نفسي لما كنت أعد مع نفسي أدندن وأقول أغاني العيال الصغيرة

وبفتكر الشرايط الكاسيت اللي متسجلالي وأنا صغير

بفتكر وأنا بتعارك مع اخواتي وأد إيه كنت بتغاظ من أقل حاجة

----------------

لحظات قليلة وأفتكر أول واحد حبيته في حياتي

محمد السيد

كنا مع بعض في أولى حضانة

وفي تانية حضانة روحت أول يوم وأول واحد بسأل عليه محمد السيد

صحابي قالولي مشوفناهوش

وسلمتش على صحابي

روحت لأخوه الكبير

قالي محمد مات

كنت صغير

مسدأتش

قولتله بجد فين محمد متهزرش

قالي والله كنا في مطروح في الصيف وغرق

أعدت أعيط

عدت الأيام وصاحبت ناس كتير

وحبيت

حبيت أوي

والفراق عارف طريقه معايا

وللأسف مش مجرد فراق

بيبقى مصاحب لعذاب

لالا مش عذاب

حاجة أكبر مش عارف هي إيه بس هي دايما من نصيبي

لحد دلوقتي لسة بحب كل شخص فارقته

ومحمد السيد وحشني أووووووووي

ححححححححح

تعبت

بس الحياة كدة

الحمد لله

سيبوكوا بقى من النكد ده

وأنا صغير كنت بحب أتكلم مع الكبار أوووووووي

والحمد لله كان في بعضهم بيحكيلي كأني أده

مرة وأنا في ابتدائي

كان واحد ساكن نحيتنا وطبعا صحبي

كان خاطب

فكان لابس سلسلة

قابلته مرة وكلمته على السلسلة بقى والقرآن

ههههههههههههههههه

ونظراته طبعا كانت رهيبة

كمية الذهول طيعا مش طبيعية

وكنت بقى عمال أقوله مينفعش حد يتجوز وهو مش متدين عشان الزواج مسئولية

وكنت بقى أقوله كلام بالغة العربية

وأقوله الصلاة وكدة

ياااااااااااااااااااااه

أنا مش عارف عملت البوست ده ليه

أصلا حاسس ان كلامي مش مرتب

بس بقول اللي بحس بيه

يلا ربنا يهدي بقى

سلام عليكم ورحمة الله وبركاته

مهما لفيت مليش غيرك يارب

2008-11-15T21:01:00.013+02:00

بسم الله الرحمن الرحيم

الأول أحب أصبح على كل اللي بينورني

صباح الفل

من كام يوم كدة كنت بفكر في موضوع كدة

بجد موضوع رهيب

الناس فعلا للأسف تيجي في المشاكل لما تغلب تقول خلاص مفيش أدامنا غير كدة

لما حد ييأس في أي حاجة يقول خلاص مفيش أدامي غير كدة

وللأسف الحاجة دي بقت علامو اليأس أو ده اللي كان بيجول في خاطري ساعتها

الحاجة دي أنا بعتبرها سلااااااح بنستخدمه في كل وقت

وقت العمل ووقت اليأس

ده سلاح رهيب مش أي حاجة

السلاح ده هو

الدعاء

مش دعاء هه

الدعااااااااااااااء يا ولاد الذين

الموضوع شغل بالي أوي دخلت وقريت عنه

بجد سبحان الله

احنا المفروض ندعي من كتر احتياجنا لربنا

ده ربنا هو اللي عايزنا ندعيه .. مش كدة بس ده اللي يدعي ياخد ثواب

مش كدة وبس ده ربنا أمرنا ندعيه

بجد سبحان الله

بكل بساطة في شوية حاجات لو عملتها يكون دعائك مسجاب

عارفين يعني ايه ؟؟

دي كارثة

عارف يعني ايه لما تدعي ربنا يستجيب ؟؟

ندخل في المهم عشان موجعش دماغاتكم

أول شرط من الشروط دي

انك تكون بتدعي ربنا ودي مفروغ منها أكيد

يعني متقولش يا هبل هه اااااااخ في ناس لازم تشرحلها بالتفصيل حاجة فظيعة

يا حبايبي قولوا يارب

يا كريم

يا قوي

كدة هه عايزين نخلص من الليلة دي

الشرط التاني بقى

انك تصبر ومتستعجلش

وللأسف في ناس تقول دعيت وربنا مستجابش دي مصيبة على فكرة أنا مش بقدر أقول الكلمة دي عن نفسي

عن أبي هريرة رضي الله عنه قال: قال رسول الله صلى الله عليه وسلم: ((يستجاب لأحدكم ما لم يعجل، يقول: دعوت فلم يستجب لي))

وعنه أنه صلى الله عليه وسلم قال: ((لا يزال يستجاب للعبد ما لم يدع بإثم أو قطيعة رحم، ما لم يستعجل)). قيل: يا رسول الله، ما الاستعجال؟ قال: ((يقول: قد دعوت، وقد دعوت، فلم أر يستجيب لي، فيستحسر عند ذلك، ويدع الدعاء)) - رواه مسلم

أما الشرط الثالث بقى

فظييييييييع بجد ركزوا ده كلنا بنعاني من الشرط ده تقريبا

وهو التوبة في الدعاء انك تعلن رجوعك لربنا

قال بعض السلف : لا تستبطئ الاجابة وقد سددت طرقها بالمعاصي

أنا ان شاء الله ححط قريب قصة واحد بيستغفر ربنا في كل فررررصة قصة رهيبة جدددا ماعلينا

أما عن الشرط الرابع أيها القوم فهو

أن تكون ممن يتحرون اللقمة الحلال

تتحرى هه مش مجرد انك بتاكل لقمة حلال

يعني من الآخر متخنسرش من شنطة الحاجة وتروح تشتري مصاصة

نخش على الشرط الخامس

ااااااااه دي جامدة بجد وهي

حسن الظن بالله عزوجل

عن أبي هريرة رضي الله عنه قال: قال رسول الله صلى الله عليه وسلم: ((ادعوا الله وأنتم موقنون بالإجابة، فإن الله لا يستجيب دعاء من قلب غافل لاه)) - أخرجه الترمذي

وكمان في حديث بحبه أوووووووي

الحديث قدسي يقول تعالى

" أنا عند ظن عبدي بي فليظن عبدي بي ما يشاء "

الشرط السادس بقى عشان نمشي

معلش الشرط ده طويل عشان معظمنا ميعرفش معنى الكلمة دي بالحرف

متتحنكرش

طب حسألك

عارف يعني ايه اعتداء في الدعاء ؟؟

هههههههههههههههه

شوفت طلع ملكش فيها

مهم أوي الكلام ده يا جماعة اقرأوه

أن يسأل الله تعالى ما لا يليق به من منازل الأنبياء.

أو يتنطع في السؤال بذكر تفاصيل يغني عنها العموم.

أو يسأل ما لا يجوز له سؤاله من الإعانة على المحرمات.

أو يسأل ما لا يفعله الله، مثل أن يسأله تخليده إلى يوم القيامة،

أو يسأله أن يرفع عنه لوازم البشرية من الحاجة إلى الطعام والشراب،

أو أن يسأله أن يطلعه على غيبه،

أو يسأله أن يجله من المعصومين،

أو يسأله أن يهب له ولدا من غير زوجة ولا أمة.

أو يرفع صوته بالدعاء، قال ابن جريج: من الاعتداء رفع الصوت بالدعاء.

أو يدعو مع الله تعالى غيره، قال ابن القيم: "أخبر تعالى أنه لا يحب أهل العدوان، وهم الذين يدعون معه غيره، فهؤلاء أعظم المعتدين عدوانا".

أو أن يدعو غير متضرع، بل دعاء مدل، كالمستغني بما عنده، المدل على ربه به، قال ابن القيم: "هذا من أعظم الاعتداء، المنافي لدعاء الضارع الذليل الفقير المسكين من كل جهة في مجموع حالاته، فمن لم يسأل مسألة مسكين متضرع خائف فهو معتد"

الشرط السابع بقى عشان خلاص قربنا نشطب

ان الدعاء ميشغلكش عن فريضة حاضرة

عبادة الوقت يا جماعة يعني عندك ضيوف يبقى لازم تكرمهم مش حتسيبهم يعني وتروح تدعي وعايز دعاءك يستجاب

المهم نخش على اللي بعده

الشرط التامن بقى عشان أنا كدة طولت أوي وأنا نفسي عايز أمشي

بجد النقطة دي خطيرة أوووووووووي خلي بالكم

الأمر بالمعروف والنهي عن المنكر

عن حذيفة رضي الله عنه قال: قال صلى الله عليه وسلم: ((والذي نفسي بيده لتأمرن بالمعروف ولتنهون عن المنكر، أو ليوشكن الله أن يبعث عليكم عقاباً منه، فتدعونه فلا يستجاب لكم)) - رواه الترمذي

والدين يا جماعة يسر

يعني متجعلصش الأمور

لما تنصح حد انصحه بالراحة والنتيجة على ربنا متعملش انت فيها بقى مش عارف ايه

وتزعق

وتقول حرااااااااااااام عليك انت مش عارف انت بتعمل ايه

ده انت ملكش توبة

وتبدأ تلخبط

وبدل ما انت عايز تنصحه بقيت سبب في تضليله

أحب أقول للي بيعمل كدة

حررراااااااااااااااااااااااام علييييييييييييييك ده انت ملكش توبة ده انت عاصي انت فاكر نفسك بتاخد ثواب

ههههههههههههههههه

بعرف أنصح بالراحة صح

مطولش عليكم

ياااااااااااااااه

ده انتوا بتصبروا جامد أوي

وان شاء الله حتصبروا كمان على استجابة الدعاء

يارب تكونوا استفدتم

معععععععععلش

حاجة أخييييييييرة

ياريت تدعولي

ادعي بالحاجة اللي انت عايزها بنفسك هه

وحتلاقي ملائكة بترد عليك

ولك مثله

يلا عيشوا أعدوا طول الليل ادعولي بقى

هههههههههههههه

سلام عليكم

أشكرك لتقديرك واحترامك لي

2008-10-30T20:10:00.004+02:00

بسم الله الرحمن الرحيم

شكرا

شكرا لمن أعطيته قلبي ويعاملني هكذا

أحتى في هذه الظروف تظل معاملتك خالية من الاحترام ؟؟؟

لم تجعلني أفكر في عدم صحبتك ؟

ألأنك موقن أني أود صحبتك ؟؟

لو كنت في موضعك لاحترمت من يصر على صحبتي

ألا تضحي من أجلي ؟

أنا أضحي من أجلك وأنا مبتسم وقلبي مبتسم

وللأسف أنت تحترم من هو شديد عليك

ألأني رقيق ؟؟

ألا تحترم رقتي ؟

ولكني سأظل صابرا لأن القلوب بيد الرحمن يقلبها كيف يشاء

لعل الله يبرز لك ما تفعله بقلبي

ولعلك ترجع مرة أخرى من أحن القلوب علي

لا أتهمك ربما تكون لك وجهات نظر

ولكن اعلم أن معاملة المشاعر أرقى مما تفعل

وجزاك الله خيرا على كل شيء

لكن أحبك أن تسأل نفسك هذا السؤال

تخيل لو انت كنت مكاني وأنا أعاملك هذه المعاملة التي لا تقدير فيها لمشاعرك ولا لتفكيرك

وأني لا أستشيرك وأفعل الأشياء لمجرد أني أحس أني أريد فعلها

أرجو أن تجواب على نفسك بصدق يا حبيبي

أستودعك الله

إن لم يكن بك علي غضب فلا أبالي

2008-09-23T20:38:00.005+02:00

بسم الله الرحمن الرحيم

رمضان خلاص قرب يخلص

أنا مخنووووووووق ... معملتش حاجة في رمضان

حاسس اني مبقاش ليا قلب

مبقتش أتأثر بأي حاجة .... الدمعة مش بتنزل

حزين على طول

ببتسم مجاملة للآخر ... الأول كنت ببتسم من قلبي

الدنيا ضلمت مرة واحدة

هي مضلمتش مرة واحدة بس ضلمت

نفسي أبقى قريب من ربنا أوووووووووووووي

نفسي أحس بده

نفسي في حاجات كتير بس للأسف بقيت آعد أتمنى فقط

فين الإرادة ؟؟

فين الهدف ؟؟

آعد أقول نفسي في كذا كذا كذا

مبقتش أقرأ

حاجات كتير حلوة لو مستمر فيها فأنا بعملها بقلة

ده لو مستمر أصلا

تهووووووووون انشاء الله

ربنا يوفقكم جميعا ويهدينا كلنا يارب

ويقدر الخير حيث كان ثم يرضينا به

ويدبر لنا فإنا لا نحسن التدبير

نفسي أحضنك جااااااااااااامد

2008-08-31T17:56:00.009+02:00

بسم الله الرحمن الرحيم

جيت متأخر هه ؟

كل الناس كتبت عن رمضان من زمان إلا أنا

أنا مكنتش ناسي

بس مكنتش عارف أكتب إيه

أكتب ان أوله رحمة وأوسطه مغفرة وآخره عتق من النار ؟؟

ولا أكتب إن الفريضة بأجر سبعين والنافلة بأخر فريضة ؟؟

ولا أكتب ان رزق العبد في رمضان بيزيد ؟

ولا أكتب ان الشياطين بتسلسل ؟؟

ولا أكتب إن العبد لما يلح في رمضان على ربنا بدعوة معينة مش حيجي رمضان اللي بعده إلا والدعوة دي قد استجيبت ؟؟

ولا أكتب عن صفاء القلوب وراحة البال ؟؟

ولا أكتب أد إيه إحنا محتاجين لرمضان ؟؟

ولا أكتب إن رمضان فرصة وان احنا لازم نعد نخطط حنعمل إيه بالورقة والقلم ؟؟

ولا أكتب عن عطاء ربنا لينا واحنا منستاهلش ؟؟

ولا أكتب عن كمية المعاصي اللي بنرتكبها ؟؟

ولا أكتب عن الحاجات اللي بنسمعها يوميا ؟؟

وبنشوفها

وبنقولها

مش عارف أكتب عن إيه ولا إيه كل اللي أنا فاهمه وحاسس بيه أوي وشايفه فعلا

إن رمضان ده كنز

كنز بجد ... كنز في كل حاجة

عن نفسي أنا كنت مستنيه أووووووووي .... بتخيل رمضان يجسد على هيئة انسان وأحضنه جامد أوي وأقوله إوعى

تمشي أنا محتاجك

لعلك انت الوحيد اللي تشفعلي عن المعاصي اللي بعملها ليل نهار

لعلك تجعل ربنا ينظرلي بعين الرحمة والمغفرة ويعفو عن كل اللي برتكبه في حق نفسي وغيري وديني

من غيرك الشياطين كانت حتكون موجودة طول السنة

من غيرك مكناش رجعنا لنفسنا وتوبنا صح

من غيرك مكنش حد امتنع عن أي عادة سيئة

انت بتخلي الناس يجربوا الحاجات الحلوة حتى لو بيبطلوها بعديك

من غيرك مكنتش البنات جربت تلبس الحجاب

من غيرك مكنش الناس حيحاولوا يبطلوا السجاير

من غيرك مكنش الواحد حيحاول يلازم المصحف

من غيرك مكنش حد حيصلي قيام

من غيرك مكنش حد حيعتزل عشر أيام لربنا بس

وفجأة ألاقي نفسي بحضن الهوا ودراعاتي على الأكتاف المعاكسة

إيه ده رحت فين ؟؟

أنا مسدأت انت جيت تختفي كدة فجأة ؟

حرجع تاني للمعاصي ؟؟

حهجر القرآن تاني ؟؟

حزعل والدي مني تاني ؟؟

حسمع وأشوف وأقول كلام يغضب ربنا تاني ؟؟

لا أرجوك تعالي تاني أنا تعبت أوي ... الدنيا دي صعبة بجد

وحرجع أشتقلك تاني ؟

وتيجي تاني وتمشي فجأة ؟؟

يارب اغفرلي في رمضان وغيره

اللهم بلغنـــــــــــــــــــا رمضــــــــــــــــــان

أستودعكم الله

سلام عليكم ورحمة الله وبركاته

أعد لف زي ما انت عاوز

2008-08-24T18:44:00.003+03:00

بسم الله الرحمن الرحيم

أولا بجد بشكر كل اللي دعولي في فترة امتحاناتي سواء كانوا يعرفوني أو لا أو حتى شافوا التدوينة أو لا

الحمد لله الحمد لله الحمد لله جالي تجارة اسكندرية

طبعا لعله خير

على فكرة الدنيا دي غريبة جدا جدا

بصوا للصورة دي ... نعتبر ان الشمس عبارة عن القدر والكواكب دي التخطيط

ساعات تبقى مخطط لحاجات كتييييييييييييييير لكن في الآخر قدر ربنا اللي بيحقق

سبحان الله بجد

عارفين

أنا كان نفسي أدخل طب أو علوم ... مجموعي مكنش أد كدة فحولت أدبي على أساس ان البلد التحفة دي ماشية بالمجموع وبس وبتهمل المواهب والميول

جيت السنة دي طبعا قلت أدخل فنون جميلة على أساس موهبتي

قدر ربنا بجد إني أنقص درجات غريبة في الثانوي

غريبة فعلا

عشان أدخل تجارة

سبحان الله

أنا متشوق للمستقبل بجد عايز أعرف حبقى إيه

عارفين

تحفة بجد انك تحس ان العظيم اللي بيخططلك

انت بس خد بالأسباب

هههههههههههههه

طبعا في ناس عارفة اني عدو المذاكرة .... أقرأ وأعمل كل حاجة إلا المذاكرة

بس والله عملت اللي عليا الحمد لله وربنا يعلم

---------------

وفي الآخر عايز أقوللك يا كريم انك واحشني جدا وانشاء الله ترجعلنا من السعودية بسلام

ويارب ييسرلك ويرزقك من حيث لا تحتسب

لو شوفت التدوينة دي خد نصيحتي ليك

ومن يتوكل على الله فهو حسبه

---------------

نفسي أكتب حاجات كتيييييييييييييييييييييييير جدا جدا

وفي مجالات كتيييييييييييييير

يمكن من كترها مش بكتب زي اللي بيحلم يحلم يحلم ويفاجأ إنه واقف في مكانه بعد ما الزمن يعدي

ويمكن عشان مشغول جدا جدا

ويمكن عشان مليش نفس ..... مش عارف بس أنا عايز أكتب يعني

أشوفكم على خير

سلام عليكم ورحمة الله وبركاته

إن مع العسر يسرا

2008-07-22T20:38:00.007+03:00

بسم الله الرحمن الرحيم

أنا جيت خلاص مش لازم هتاف ورسايل على الميل عشان أرجع أدون من تاني

ريلاااااااااكس

سيكاهاااااااااااااي

أولا بجد بجد بجد بشكر كل واحد دعالي أني أنجح

وأشكر أكتر كل واحد دعالي إني أكون متفوق في حياتي

عامة أنا جبت

83.5%

الحمد لله

الله أنا مبسوط يا جدعان مالكم أولا أنا أدبي ده غير اني أصلا جايب درجات استحالة أجيبها

مثلا مثلا

ولا بلاش فضايح أحسن خلي الطبق مستور ولا معرفش بيقولوا إيه

المهم إني راضي تماما ومش مدايق خااااالص رغم ان اللي حواليا بيقولوا مجموع مش أد كدة لكني فعلا مبسوط

الحمد لله الكابوس بتاع الثانوي عدى ودخلت في كوابيس تانية من أول ما خلصت امتحان

كوابيس بجد مش بهزار

ومن أول الامتحانات ما خلصت وقفت أي حاجة كنت بعملها بسبب المشاكل

سواء كانت حاجات حلوة أو وحشة

بس طبعا كدة موووووووووش كويس

لذا فلقد قررت ألا أوقف أي عمل لأن الحياة عبارة عن كتلة من المشاكل المكعبلة الملخبطة المعقدة الرزلة العقيمة

ده إيه ده

الحمد لله الحمد لله

فبإذن الله حبدأ أكتب تاني وأدون وأكتب وأدون

طلب صغير بس من كل شبابنا

ادعوا لأخوكو عشان كدة عيب أبقى في المشاكل دي وانتوا مش بتدعوا

لا يا بابي مش أدامي كدة

بعدين كدة وانت لوحدك

حتعملهم علينا ولا إيه

-----------------

كان الله في عونكم جميعا

سلام عليكم

-----------------

تروح وترجع بالسلامة يا كيمو

2008-06-20T00:25:00.003+03:00

بسم الله الرحمن الرحيم

يوم الحد اللي فات

خمستاشر جوون ألفين وتمانية

كريم سافر

اه صح انتوا مش عارفين كريم

كيمو يا جدعان حد مش عارفه برضه

ده ضمن أعز أصدقائي بجد

يارب يسهله ويرجعه بالسلامة

يارب يكون شغله حلو ويحب الشغل والشغل يحبه

طبعا كريم مأظنش انه حيقرأ التدوينة دي

بس أنا وهو بندعي لبعض مش محتاجين تدوينات تبين اني مفتقده

القلوب عند بعضها بقى

مش عايز أطول بقى عشان عندي مذاكرة ادعولي بالله عليكو

بس بجد مش عارف ليه أنا مكتوب عليا أفارق كل واحد حبيته

يلا ... لعله خير

لا إله إلا أنت سبحانك ... إني كنت من الظالمين

2008-03-29T00:14:00.005+02:00

يا جدعان مشكليش كدة حفتح المدونة تاني لحد الامتحانات

ومشكليش حدون تاني إلا بعد الامتحانات

ياريت أي حد يقرأ البوست ده يدعيلي حتى لو مش عارفني

على الأقل الملايكة حتقوله بنفسها : ولك مثله

معلش دخلت في البوست على طول من سلام ولا حاجة يمكن عشان منفوخ

الله أعلم

طبعا ممكن حد يسأل إيه علاقة الامتحانات بالصورة ؟؟

أنا بقول مفيش علاقة خاااااالص بالامتحانات كامتحانات مش اشكال مش اشكال متشغلوش بالكم بهيس مع نفسي معلش

بجد محتاج دعاءكم

سلام عليكم ورحمة لله وبركاته

ياااااااااااارب مالي سواك

2008-03-10T01:16:00.004+02:00

يارب ارحم ضعفي

مخنووووووووق يارب ومفيش غيرك يفرج الهم عني

يارب أنا المسكين

أنا شديد التقصير أنا من ثقلت عليه المعاصي والذنوب حتى اعوج ظهره

أنا اللي محتاجلك يارب ... لو سبتني لنفسي أهلك

أنا عايش برحمتك بيا

عايش بآية من أجمل الآيات واللي والدي علمهالي

" ومن يتق الله يجعل له مخرجا ويرزقه من حيث لا يحتسب ... ومن يتوكل على الله فهو حسبه "

عايش بيها وبخالفها كتييييييير

يارب أعني على تقوتك

وارزق والدي أعلى درجات الجنة بسبب تعليمي هذه الآية العظيمة

والدي الذي كان قدوة في تنفيذ هذه الآية ليس مجرد إرشاد

ولا تتركني إلى نفسي يا حبيبي يا رب

اللهم لك الحمد كله ... ولك الشكر كله ... وإليك يرجع الأمر كله

2008-02-25T11:56:00.007+02:00

بسم الله الرحمن الرحيم

كان عندي بطولة كونغوفو أول إمبارح على مستوى اسكندرية والحمد لله أخذت مركز رابع

وحسافر يوم الأربعاء القادم انشاء الله القاهرة لخوض بطولة الجمهورية

يا جماعة أنا بس طالب منكم الدعاااااااااااااااء ..... الدعاء اللي من القلب هه ؟؟

بالله عليكم ادعولي أجيب مركز أول جمهورية
ممكن بقى تسيبوني أدعي أنا ؟؟
ياربي لك الحمد ... الحمد لله ... اللهم لك الحمد حتى ترضى ولك الحمد إذا رضيت ولك الحمد بعد الرضى
يارب وفقتني كتيييييييييييييير أوي
كنت متكسر لحد قبل البطولة بيومين وخفين قبلها بيوم
ساعدتني إني أخس خمسة كيلو في ثلاث أيام
لعبت لعب مكنتش متخيله
وفقتني إني أعمل حركة محدش في الجمهورية بيعملها ومش بعيد في الوطن العربي كمان
وفقتني إني أكسب ماتشين و أوصل لحد دور الأربعة
ووفقتني إني أكسب أول جولة في ثالث ماتش وكان خصمي فيها بطل جمهورية بقاله كام سنة وأنا أول مرة ألعب
وحتى لما خسرت الحكم قال في الميكروفون للناس يحيونا إحنا الاتنين بغض النظر مين اللي كسب لأن مستوانا إحنا الاتنين كان عالي أوي وده كان أحسن ماتش إتلعب في البطولة
وبفضلك يارب إتشهرت وبقى ليا إسم في الصالة
سبحانك يارب ... بعزتك وجلالك مستحي من كمية عطائك برغم تقصيري الشديييييييييييد
سبحانك يارب ... لعل خسارتي في الدور الرابع كانت هي الخير لي .... بل أنا متأكد من ذلك
الحمد للللللللله ... الحمد لله ملئ السماوات وملئ الأرض وملئ ما بينهما
الحمد لله عدد قطرات الماء
الحمد لللللللللله

يارب يارب أنا عملت اللي عليا وتوكلت عليك وتعبت أوي في التمرين وفي البيت تعبوا معايا بسبب الأكل المخصوص والمصاريف والمدرب تعب مع الفريق وكان بينزل يقابلنا في حاجات غير التمرين عشان نتمرن تمارين إضافية

يارب أنا مش عايزك ترزقني على مقدار مجهودي أنا عايزك توفقني بقدرتك ورحمتك

اللي أنا عملته كان أخذ بالأسباب فقط

فاقدر الخير حيث كان ثم ارضني به

آمين

قولوا آميييييييييين وادعولي انتوا كمان من عندكم

وتذكروا إن في ملائكة حترد عليك تقولك ولك مثله

وشكرا لصبركم يلا سلام

كان نفسي عيني تشوف ملامحك

2008-02-20T15:25:00.004+02:00

بسم الله الرحمن الرحيم

" خرج النبى على أصحابه يوما فقال لهم : وددت لو أرى إخوانى ؟ قالوا : أولسنا إخوانك يا رسول الله ؟ قال : أنتم أصحابى , إخوانى قوم يأتون من بعدكم يؤمنون بى ولم يرونى "

بجد وحشتني أوووووووووووووووووي يارسول الله نفسي أقول كلام كتير لكن أنا طبعا مش حعرف أتكلم عن النبي أحسن من الأستاذ جمال ماضي

بس الأول اسمعوا الأغنية دي جامدة جداااااااااااااااااااا ..... لما بسمعها بجد بحس إني نفسي أحضن النبي وأقوله الزمن ده غير أي زمن ... الزمن ده اللي يصبر فيه كالممسك على الجمر

أغنية كان نفسي عيني تشوف ملامحك

يا حبيبي يا رسول الله ( أ / جمال ماضي )

بجد موضوع أكثر من رائع

ياريت تقرأوه ويارب ينال إعجابكم وينبني على إعجابكم أعمال

والسلام عليكم ورحمة الله وبركاته

يارب اتقبل صيام الحاجة بتاع امبارح

2008-02-19T23:54:00.005+02:00

بسم الله الرحمن الرحيم

إمبارح كنت صايم صيام محصلش .... عارفين صيام الحاجة ؟؟

أو صيام العيال الصغيرة كل ميجوع ياكل

كان كدة بقى

أنا من أول ما صحيت فطرت مع الأسرة وأنا أصلا كنت ناوي أصوم .... وبعد كدة شربت الشاي

وعادي خالص

بعد كدة افتكرت إني صايم فكملت صيام .... بعد كدة كان عندي درس قرآن

والدتي دخلتلي شاي مع الأستاذ وأنا بشربه افتكرت .... ههههههههههههههههه ..... فقولت كدة ميصحش بصراحة

النسيان ساعات بيكون حلو أووووووووووووي

يارب يتقبل الصيام .. أنا طبعا نظرا لأن مسألة النسيان في غير رمضان مختلف فيها فأنا كملت صيام ويارب يتقبله ... وطبعا ربنا كرمه ورحمته وسعت كل شيء .... والحمد لله أكيد أخدت الثواب

بس كان صيام جمييييييييل أوي لدرجة إني مأكلتش لما المغرب أذن غير كيس بسكوت لأن كان عندي تمرين وأنا مينفعش آكل قبل التمرين

يلا عشان مطولش عليكم سلام

عارف يعني إيه قلب بيتقطع ؟؟؟

2008-02-18T23:50:00.008+02:00

بسم الله الرحمن الرحيم

بالنسبة للصورة دي المفروض تبقى

I have no heart

I haven't my heart

I fulled of sadness

or any thing else

حححححححححححح

والسلام عليكم ورحمة الله وبركاته

نعمة كبييييييييرة مش واخدين بالنا منها

2008-02-18T20:30:00.007+02:00

بسم الله الرحمن الرحيم

إيه رأيكم في الصور أظن جميلة أوي .... وهي فعلا مكتبة اسكندرية جميلة أوي

عارفين الدلع ؟؟

هي بقى آخر دلع وانت برة ممكن تحط شنطتك في الأمانات وأي حاجة انت عايز تحطها في الأمانات ..... آعد على مكتب لوحدك .... اللمبة أدامك .... النت جمبك ..... لو حبيت تطلع تشرب أو تاكل وتدخل تاني ... مكتبة بجد جميلة أوووووووي

صوت مفيش ... دوشة مفيش

ممكن تعد تعمل اللي انت عاوزه ...... جميع أنواع الكتب موجودة .... ممكن تعد تذاكر ... أصلا مهما كانت مليانة تحس انك آعد لوحدك

ده انت كمان ممكن لو معاك حد بيذاكر معاك ممكن تنام على المكتب شوية ويصحيك

بجد أنا شايف إن المكتبة دي طفرة في اسكندرية احنا مش حاسسين بيها

هههههههههههه وأحلى حاجة في المكتبة إن اشتراكها ثلاثين جنيه في السنة

حد كدة يجرب يروحها مرة بس لو معجبتهوش بلاش يدعي عليا يا إما ميروحش من دلوقتي

يلا سلام عليكم

حتوحشني يا كابتن ياسر

2008-02-16T20:54:00.010+02:00

بسم الله الرحمن الرحيم

أنا مش عارف أنا فرحان ولا زعلان ..... النهاردة كابتن ياسر حيسافر دبي حيدرب كونغوفو هناك ..... كابتن ياسر كان مدربي من وأنا في أولى ابتدائي يعني يعتبر إتربيت معاه .... طبعا في أيام حلوة كتير أنا فاكر مرة كنت بلعب ماتش وأنا مصاب في رجلي وكان ممنوع ألعب ماتش وأنا مصاب فمثلت كأني عادي وكنت بحاول معرجش في الماتش ... الحقيقة أنا خسرت في الماتش مش عارف ليه حتى الكابتن اتعارك مع الحكام بس وأنا طالع باسني وقالي حاجة في ودني مش فاكرها لأني كنت زعلان لأنها كانت بطولة جمهورية وكنت أول مرة أدخلها

طبعا بعدها بطلت عشان امتحانات اعدادية وبعدها دخلت الثانوية وأديني رجعت أهو .... رجعت لقيته اتغير كتير مبقاش بيقبلني مش عارف ليه ... طبعا مش عشان سيبت التدريب بس مبقاش بيقبلني .... كنت بدايق منه كتير عشان طريقة اهتمامه بالمتدربين غريبة شوية لكني متعلق بيه ... كنت لما آجي أكلمه أحس إنه مش مقتنع بيا .. لما أقوله مثلا أنا بحاول أطور نفسي في اللعبة وبطلع أتدرب على البحر مكنش بيهتم ومكنش بيفدني من خبراته وكنت بحس إنه عايز يقولي متتمرن على البحر براحتك أعملك إيه يعني ... بقى بيني وبينه التدريب .... كنت بحاول أصاحبه لكن هو كان بيفضل ناس معينة وأنا مش من ضمنهم

بس أنا متأكد إنه بيحبني لأنه حضني قبل ما يسافر ..... بس حسيت ساعتها إني مكنتش فاهمه صح ... يمكن يكون مهتم بس مش بيظهر أو عايز يشوفني حستمر لوحدي ولا لا .... مش عارف أنا كنت مدايق منه لكن لما سمعت إنه حيسافر حسيت إني حفقد مدرب ليه مكان عندي مكانش مجرد مدرب هو كان أخ بصراحة

شخصيته فعلا جميلة ... بيفكر في الحاجة قبل ما يعملها بيوزن الأمور بعقله مش متهور

يارب يسهله أموره هناك والشغل يكون حلو والبلية تلعب معاه ويرجع بخير ويفيد الاسلام بخبرته

حتوحشني أوي يا كوتش
والسلام عليكم ورحمة الله وبركاته

Happy Valantine Day

2008-02-15T01:10:00.004+02:00

بسم الله الرحمن الرحيم

النهاردة طبعا 14/2/2008 عيد الحب
النهاردة طبعا كنت واقف على البحر زي ما بقف على طول بهدف التأمل وطبعا مش في دماغي إن النهاردة يوم المعاصي العلني وشوفت مناظر رهيبة فأخدت بعضي كدة بالزوق وعدت من حيث أتيت
ربنا يعافينا يارب ويثبتنا على الحق
ولكني أريد أن أقدم هدية في هذا اليوم لأخي الحبيب وصديقي القريب والأخ الكبير الحنون مش مهم إسمه بس المهم إني بحبه جدا جدا جدا
والهدية هي ... يارب يعجلك بالزواج يا عامر وبسرعة بسرعة تكمل تجهيزاتك وتكتب كتابك وتدخل في يوم واحد انشاء الله
قولوا آمين يا جدعااااااان
والسلام عليكم ورحمة الله وبركاته

هاي شلة

2008-02-08T18:27:00.004+02:00

بسم الله الرحمن الرحيم

إيه يا شباب عاملين إيه ؟؟؟ ... إيه أخبار صحتكم ؟؟؟ ... إيه أخبار نفسيتكم ؟؟؟ ... يارب تكونوا بخير

بصوا بقى بداية كدة أنا أموت في النقد .... أحب النقد موت عشان أتعلم من خبرات غيري ... أنا الحقيقة حتكلم في موضوع كثييييييييير من الشباب مخالفين فيه لرأيي ..... وكثيييييييير منهم يؤيدوني ....... ونسبة كبيرة منهم تؤيدني ولكنها فعليا تخالفني

أرجوكم بس ياريت اللي حيقرأ سواء عجبه الكلام أو معجبهوش يكمل الموضوع لآخره لأنه لو مش عاجبه حينقد ولو عاجبه حيأيدني

صلوا عالنبي يا شلة ... مين فينا في كلية ؟؟ ..... أكيد إنتم أنا لسة في ثانوية عامة ... أنا آه في ثانوية لكن حتكلم في حاجة تخصكم انتم ياللي في كليات أو معاهد أو جامعات ... بليز أنصتوا

طبعا بنشوف في الكليات الإختلاط بجميع أنواعه .... اللي معاه بنتين والشلة اللي ولاد على بنات واللي بيهزروا بصوت عالي والبنات اللي بتضحك بصوت عالي وأحيانا بتحس إنهم مبقتش تفرق معاهم دي بنت ولا ولد ... والحجة زمايل .... وبقى في مفهوم منتشر جدددددددددا ويمكن بقى عرف كمان فيقولك (أصحاب) عادي ممكن الشلة تخرج مع بعضها ولاد على بنات وفريييي خالص وده منتشر جدددددددددا أنا مش بتكلم خيال ولا بخترع أنا واحد متضرر من هذا الموضوع

وكمان بنشوف بشر بجميع الأشكال .... من اللي آخد بشلة في وشه ومطوته معاه لحد اللي مولود في بقه معلقة ذهب

الكلام ده كلنا بنشوفه يوميا ... بس هل ده صح ؟؟ .... هل مفهوم الصحاب ده صح ؟؟ ... هل مفهوم الزمالة ده صح ؟؟ ...هل الخروجات دي والتي أرى أنها ساعات بتذهب بأوثة المرأة صحيحة ؟؟ ....أسئلة كتيييييييييييييييير

طيب خلينا ندخل في الواقع أكتر

تدخل جوة الكلية مثلا مجمع نظري في اسكندرية حتشوف مناظر رهيبة ... رهيبة بجد ودي بعض الصور اللي جايبها من موقع جامعة أون لاين

وطبعا ده جزيء وليس جزء من اللي بيحصل لأن الباقي صور لا أستطيع نشرها على المدونة وفي الحقيقة برضه على الموقع منشروهاش وكلكم عارفين كدة ولا إيه جدعان ؟؟؟

طيب نطلع بره الكلية ونضر الناس اللي لسة صغيرة وملهاش ذنب ونخليهم يقلدوا الكبار ... إطلع كدة عالبحر جرب كدة واطلع عالبحر الساعة 1:30 أو 2:00 وعينك متشوف إلا النور بجد مناظر أنا في غنى إني أشرحها ... أنا مش عايز أقولكم أنها مناظر أفظع من اللي في الكلية وانتم أدرى طبعا

طيب الصبح خلص تعالى كدة روح الجنينة اللي أمام مكتبة اسكندرية .... اه الدنيا ضلمة هناك بس برضه عينك متشوف إلا النور ..... قولولي بالله عليكم اللي بيحصل ده صح ؟؟؟ ... حتى لو خطيبها ولا حتى كاتب كتابه ولا حتى متجوز لما يعد معاها بالمناظر اللي كلنا بنشوفها ده صح ؟؟؟؟؟؟؟؟؟؟؟؟؟؟؟؟

بجد سبحان الله .... الأخلاق راحت فين .... احنا فعلا فعلا محتاجين نغلب شهوتنا عشان نرجع أمة عزيزة

ححححححح .... أنا عايز أقولكم ان .... الحب بريء من اللي بيحصل ده

فعلا صدق حبيبي النبي عليه الصلاة والسلام لما قال:"إن لم تستحي فاصنع ما شئت" ..... صدقت يارسول الله

والسلام عليكم ورحمة الله وبركاته

إثنــــــــان تحابـــــــا في الله

2008-02-05T09:56:00.000+02:00

بسم الله الرحمن الرحيم

قال صلى الله عليه وسلم: 'إن الله يقول يوم القيامة: أين المتحابون بجلالي اليوم أظلهم في ظلي يوم لا ظل إلا ظلي'. [أخرجه مسلم باب فضل الحب في الله]

تعجبت فعلا من هذا الحديث كما تعجبت من حديث آخر

عن أبي هريرة رضي الله عنه عن النبي صلى الله عليه وسلم قال : سبعة يظلهم الله في ظلّله يوم لا ظلّ إلا ظلّه: إمام عادل ,شاب نشأ في عبادة الله عز وجل , رجل قلبه معلق بالمساجد , ورجلان تحابا في الله اجتمعا عليه وتفرقا عليه , ورجل دعته امرأة ذات حسن وجمال فقال إني أخاف الله , ورجل تصدق بصدقة فأخفاها حتى لاتعلم شماله ماتنفق يمينه , ورجل ذكر الله خاليا فاضت عيناه .... متفق عليه

كنت أتساءل دائما لماذا استحق هؤلاء أن يظلهم الله في هذا الوقت العصيب .... أكيد دي حاجات صعبة جدا جدا

فمسكت واحدة واحدة وفعلا كانوا صعبين ويستاهلوا إن ثوابهم يكون كبير أوي ولكن جيت عند إثنان تحابا في الله اجتمعا عليه وتفرقا عليه ووقفت .... وقولت هو الحب في الله صعب أوي كدة عشان يكون ثوابه كدة ؟؟؟

عادي ممكن واحد يحب واحد صحبه إيه المشكلة كلنا بنحب بعض ونزهق من بعض ونغير صحابنا ونرجع للصحاب القدامى تاني

هل الموضوع صعب للدرجة دي ؟؟؟

ففكرت في العلاقات بتاعة دلوقتي فحزنت ولقيتها معظمها بالطريقة دي أو غالبا يكون الاثنين مع بعض في الشغل ممكن يتعلقوا ببعض ويتصلوا ببعض وكدة لكن مجرد ما ينفصلوا ..... بحححححححح فحسيت ان الموضوع فعلا صعب ..... وخاصة ان رجلان تحابا في الله جاءت في الحديث قبل رجل دعته امرأة ذات حسن وجمال

بس فعلا الموضوع مهم أوي ..... أصل الصاحب ده كل حاجة هو اللي بيعينك على الطاعة وهو اللي بيعينك على المعصية ..... هو اللي بيساعدك ويقف جمبك وقت الشدة مش مجرد خروجات وتليفونات الموضوع كبييييييير فعلا ولكن ده اللي جوايا

وهذه الكلمة كلمتي ... ولكنها ليست دعوة للتشاؤم

في هذا الزمن يصعب أن تجد صديق يجمع بين الدين والدنيا ... فحاول أن تكون أنت هذا الرجل

والسلام عليكم ورحمة الله وبركاته

ماذا لو قال لك أحدهم لا تصلي ؟؟

2008-02-03T21:09:00.000+02:00

بسم الله الرحمن الرحيم

الحقيقة أنا اليومين دول بتحصل معايا مواقف غرييييييييييبة الشكل ..... بس خلينا نتعلم من أخطاءنا ونتعلم من المواقف اللي تعدي علينا

أنا الأول أحكيلكم الموقف اللي حصل

كان عندي درس عربي .. الأستاذ بسم الله ماشاء الله متميز جددددددا في مادته .. جت أجازة نصف العام فعملنا كورس نحو .. وهو عبارة عن درس يوميا لمدة أسبوع .. المشكلة مش في كل ده .. المشكلة إن المغرب بيأذن علينا واحنا في الدرس فكان الأستاذ يدينا تمارين نحلها ويطلع يصلي فكنت بطلع معاه ونرجع نكمل الدرس وأنا أحل التمارين بعدين وأريهاله

المهم ... في اليوم الثالث بقى قالنا نحل تمارين فقولتله ممكن أطلع أصلي مع حضرتك قالي طيب حل ولما أرجع روح صلي .... جمييييييييييل مفيش مشاكل

في اليوم الرابع .... نفس الموضوع وبعد ما رجع من الصلاة قالي استنى لما نراجع الأسئلة عشان انت من المتفوقين اللي عندي وبعد كدة صلي ..... ماااااااااااااااشي مفيش مشاكل .... المشكلة إني كنت برجع من الصلاة ألاقيه بيشرح

المههههههههههم ..... في اليوم الخاااااااامس .... وهو طالع يصلي بستأذنه أصلي معاه قالي حاجة غريبة جدددددددددددا * "حبيبي انت عايز تحسسنا إنت مسلم والباقي دول كفار ... كلنا مسلمين يا حبيبي حتصلي متقلقش بلاش تبقى كدة "

فطبعا أنا ظنا مني إنه عايز يوصل رسالة لباقية التلاميذ فرديت عليه

- " أستاذي .. الصلاة فرض مهما حصل مينفعش نفوت الصلاة "

فقالي بلهجة غريبة جددددددا

* " وهي المذاكرة مش عبادة ؟؟؟ "

- " لا عبادة بس إحنا ممكن نصلي ونرجع نكمل لأن صلاة العشاء لو دخلت حنكون ضيعنا صلاة المغرب "

فللأسف سابني ومشى فابتسمت ابسامة تعجب

- " أستاذ أهم حاجة تطلعني أصلي قبل ما وقت العشاء ييجي "

ولللأسف وأنا بصلي المغرب العشاء أذن عليا... ولما رجعت كان شرح درس بس كان سهل الحمد لله .... ما علييييييييينا

اليوم الساااااااااااادس ..... الأستاذ كان عنده عزاء فوصل الدرس متأخر ... فبيشرح المغرب أذن .. أوك عادي ... خلص مجموعة دروس ولسة بيدخل في الدرس الخامس

- " أستاذي ... الساعة 6:30 " فبص بصة غريبة جدددددددا

* " ماشي يا بابا معلش " وطبعا صوت الضحك بنات وبنين

- " أنا أقصد المغرب حتفوت فاضل نصف ساعة على العشاء " نظر نظرة أغرب من الأولى

* " واللللللله ؟؟؟؟ طيب ماشي يا حبيبي "

طبعا بلهجة تقليس .... فمردتش عليه بصراحة ..... ححححححح ..... والدرس كله أولاد وبنات بيضحكوا ... طبعا مش كلهم كان في ناس تعي الموضوع رغم انهم مش بيصلوا ... المهم أنا كنت فعلا مش عارف أعمل إيه أول مرة أتعرض لموقف بالغرابة دي ... أنا فعلا كنت في صدمة

طبعا مش عارف أركز ... أنا عايز أصلي .... وعمال أكلم نفسي ... طب حضرتك بتصلي إزاي تقول كدة ؟؟؟ .... اللي مش بيصلوا عندهم حق على كدة لما يقلسوا على حد ويقولوله يا عم الشيخ ..... طب إيه الحل أطلع أصلي على طول ويولع هو ؟؟؟؟

وأنا مستغرق في التفكير الأستاذ قال يلا انتبهوا عشان نخلص الدرس ده بسرعة ونقيم صلاتنا وقالي خلاص ؟؟ طبعا مبصتلهوش ولا رديت عليه مش عارف كنت منفوخ منه ؟؟؟ مشفق عليه ؟؟؟ مصدوم من اللي قاله ؟؟؟ مش عارف

المهم وهو بيشرح ... العشاء أذن فأنا عملت تصرف فعلا لا إرادي وحطيت إيدي على وشي ومعرفتش أركز خاااااالص ... فعلا كنت مدايق جددددددا .... أول مرة تضيع مني صلاة كدة أدام عيني فاهمين الاحسااااااس ؟؟؟ ... المهم خلص شرح وقالي روح صلي ... وأنا طالع بيحط إيده على كتفي فبعدت عن إيده ورحت أصلي .... وهكذا انتهى آخر يوم في النحو والحمد لله لعله خير بس طبعا اتعلمت إني وقت الصلاة لو أي حد منعني يولع بقى المهم أصلي ... أصل مش حينفع يوم القيامة أقف أدام ربنا أقوله فلان قالي لا ... عيب أوي يعني

أنا بقى عايز أقول حاجة لكل مسلم

في ناس كتير جدا جدا معتقدة إن الواحد لو كان بيعمل أي حاجة غلط كشرب السجاير والأشياء الانحرافية مينفعش أصلا يصلي ..... وفعلا أنا قابلت ناس كتير جدا جدا كدة .. يا جماعة ده مدخل للشيطان ... الصلاة هي الفرق مبين المسلم وغير المسلم المفروض نفتخر إننا بنصلي وبنسجد لله عز وجل .... والنبي عليه الصلاة والسلام قال بنفسه : " كل ابن آدم خطاء وخير الخطائين التوابون "

إيه بقى المانع ان انت تصلي ؟؟؟

بقت الصلاة للمتدينين بس ؟؟؟؟

والباقي مينفعوش يصلوا ؟؟

يعني ربنا مش حيتقبل الصلاة ؟؟؟

مش عارف هما بيفكروا إزاي بس كل اللي في إيدي إني أعمل ثلاث حاجات

- أقول الحمد لله الذي عافاني

- أدعي ربنا يهدي المسلمين جميعا

- أنصح الأقربين مني وأصدقائي

معلش يا جماعة الموضوع طويل جدا بس أنا بكتب اللي في نفسي أعمل إيه منفوووووخ ... وشكرا على صبركم وقراءتكم للموضوع .... ياريت تشرفوني بردودكم الحلوة

سلام عليكم ورحمة الله وبركاته

هي السجاير بقت عادية وأنا مش واخد بالي ؟؟

2008-01-30T18:01:00.001+02:00

بسم الله الرحمن الرحيم

أنا فعلا مندهش الناس كلها بتشرب سجاير .... طبعا مش كل الناس ... بس تمشي في الشاريع فعلا تحس ان كل الناس بتشرب سجاير ... طيب مش اشكال دي ناس كبيرة وممكن نقول صعب يبطلوها طب الصغيرين ؟؟؟؟؟؟؟ بيشربوها أدام الناس وعادي جدا ولا كأن دي صحتهم خالص والغريب ان هما عارفين انها مضرة

أصل النهاردة حصل موقف غريب وهو ده اللي خلاني أثير هذا الموضوع

كنت راجع من درس معزز مكرم آعد في الترام وأدامي واحد كبير ... وفي الكراسي اللي جمبنا تلاتة عندهم حوالي تسعتاشر سنة وبيشربوا سجاير ... طبعا في الترام مكتوب ( ممنوع التدخين لعدم التعرض للمساءلة القانونية ) بس طبعا دول ولا في الدماغ

المهم الراجل اللي جمبي قالهم اطفوا السجاير عشان ممنوع وعشان صحتي ... ردوا عليه بكل بجاحة ...... لا مش ممنوع نادي الكمسري لو عايز محدش ليه حاجة عندنا ... ( طبعا بصوت ضخم لا يطاق وبعوجة الفم تحس انهم مش بشر )

المهم نادى الراجل على الكمسري ...... ففوجئت بأغرب حاجة في حياتي ....الكمسري اتنرفز وقال أنا كرهت الشغلانة دي والله قالها بصوت عالي وقال أنا ساعات ببص في المرايا بحتقر نفسي اني شغال كمسري بسبب اللي بيحصل معايا

طبعا الناس فوجئت من هذا التصرف المفاجئ...

المهم كمل الكمسري كلامه وبيحكي بحرقة وبيقول .... أنا اتفتح عليا مطاوي في الترام واتهزأت بسبب إني بقول للركاب ممنوع التدخين في الترام والناس بنت الـ ( حذفت للرقابة ) تشتكي من السجاير ويكونوا أول ناس يمشوا ويتخلوا عني لما حد يشد معايا ... ده مرة بقول لواحد اطفي سجارتك قالي أطفيها في عينك وكان حيحطها في عيني أدام الناس وأنا أكبر منه ولما ضربته بالألم الناس اللي كانت بتشتكي مسكتني وقالولي حرام عليك ... ده أنا بتهزأ بسبب الشغلانة دي ... أنا بحتقر نفسي لما ببص في المرايا وببقى عايز أتف على المرايا

أنا طبعا لما سمعت الكلام ده زوهلت وقولت الحمد لله أنا بجد في نعم كتير .... ربنا يهدينا جميعا

أنا طبعا مش عارف أقول ... أنا سايبلكم انتم التعليق لأن أنا فعلا مستاء من الموضوع ده ... سلام عليكم ورحمة الله وبركاته

تابع / إيه اللي بيحصل ده ؟؟

2008-01-28T21:13:00.000+02:00

بسم الله الرحمن الرحيم

نستكمل الموضوع وأقول إزاي وجهة نظري اتغيرتمن بعد ما كنت بنقد وضع الناس اللي بيعبروا معبر رفح بشدة ومتخيل إنهم بيهربوا من الجهاد وكنت بستغرب لما ألاقي الناس فرحانه ان الناس عبروا المعبر

وننتقل إلى وجهة نظري الجديدة والتي أتت بعد التحدث مع والدي وقراءة تعليق كيمو المحترم

فعلا طلعوا معذورين .. اقرأوا رأي كيمو

كل اللى حصل انهم ناس مش لاقييين اى حاجه من 9 شهور .. لا اكل و لا شرب الا ما يسد الرمق فقط .. و كانو عاشين و راضيين لكن بعد قطع الكهرباء و الوقود .. اصبح لا يوجد حل الا من اتنين يا اما حد يجيبلهم اكل و ده محصلش .. يا اما هم يروحوا بنفسهم يجيبوا اكلهم و ده اللى حصل

على فكرة الموضوع مش بسيط .. حطوا نفسكم مكانهم .. بص على أطفالك كدة وهما بيتألموا من قله الأكل .. بص على الفساد اللي فكل حتة .. بص على البيوت اللي بتدمر .. بص على الناس اللي بتستشهد

أكيد لازم تتصرف عشان تكمل جاهدك.. أصل الأكل مش حينزل من السما طب يعملوا إيه لازم يتصرفوا !!!

أنا بطالب بجد مش بهزار التبرع لإخواننا ... فعلا إخواننا اللي احنا مش قادرين نروح نقف جمبهم

ومنه لله اللي كان السبب

بطالب نتبرعلهم بأدوية وأكل

تحذير : بلاش ملابس أو أغطية ياريت أدوية وأكل

غريبة صح ؟؟؟ .. لا مش غريبة .. أنا بقول كدة عشان نمنع انهم يبقى ليهم مأوى هنا مكانهم في بلدهم أصل مش كلهم ملائكة فالناس اللي نفوسها ضعيفة اللي بتهرب من حماية بلدها ودي كبيرة من الكبائر وخيانة للوطن مكانهم مش عندنا إحنا كدة بنساعدهم على البقاء عندنا

المهم .. عندنا لجنة الإغاثة لنقابة الأطباء ممكن نوديلها أي حاجة نحب نتبرع بيها وعلى ضمانتي الشخصية إنها حتوصل .. المهم انت ودي بس وخد الثواب

طولت عليكم معلش لكني شايل الهم نعمل إيه بقى يلا ورونا ردودكم الجميلة بقى سلام عليكم ورحمة الله وبركاته

إيه اللى بيحصل ده ؟؟

2008-01-26T00:54:00.001+02:00

بسم الله الرحمن الرحيم

بكل هدوء بسأل إيه اللى بيحصل ده ؟؟

أ نا بجد مش عارف اللى بيحصل ده صح ؟؟ غلط ؟؟ ممكن وممكن ؟؟ لكن أنا لو مكان الناس دي مش حعمل كدة أبدا دي بلدي

= طبعا مش فاهمين حاجة

= أقصد اللى بيحصل للناس اللي عبروا معبر رفح المصري وزوغوا على مصر هل ده صح ؟؟؟؟

* صح إيه بس .. ده جهاد ... ده حلم العمر لكل مسلم .. ده أنا بتمنى أروح أجاهد وأستشهد هناك

طيب لو هما مش عايزين يستشهدوا ... هل صح إن احنا نساعدهم على كدة؟؟

= هل يصح أصلا إنهم يتركوا وطنهم ؟؟ بالطريقة دي الأعداء حيستفردوا بالعدد القليل

= لا حول ولا قوة إلا بالله

أنا بصراحة كنت مشفق عليهم في الأول لكن لما بصتلها من زاوية تانية وبعد النقاش مع والدي تغيرت وجهة نظري

أشوف ردودكم ... بعد كدة أتكلم في الزاوية التانية انشاء الله

الافتتاحية

2008-01-24T15:29:00.000+02:00

تيجوا نبصلها من زاوية تانية ؟؟!َ

ده عنوان المدونة

- يعني إيه طيب ؟؟

* يعني انشاء الله حنكتب مواضيع بنعيشها شبه يومي وحنبصلها من زوايا تانية

- مش فاهم

* يعني ممكن مثلا موضوع محتاج فيه لأرائكم أكتبه وأستشيركم فيه

- لا حول ولا قوة إلا بالله وبعدين طيب؟؟

* نستفيد من خبرات بعض وبدل منبص بطريقة تشاؤمية للمواضيع نبصلها من برة كأننا بننصح صاحب المشاكل دي وبدل ما الواحد بيبص للدنيا بطريقته الخاصة يعرف إن في وجهات نظر تانية وبدل منشوف الدنيا بلون واحد ويكون لون غامق كمان كما حال الكثير ... لا تبدأ تفتح تفتح لحد متلون